چاڤدێره‌ك:هه‌كه سەرۆك كۆماری نەدەنە ئێكەتیێ دێ ئاستەنگان بۆ هەڵبژارتنان چێكەت
ئەڤرۆ نیۆز، قائید میرۆ
سەرۆكێ پەیمانگەها كوردستان دیار كر، ئێكەتی دخوازیت ئاستەنگان ژبۆی هەلبژارتنێن پەرلەمانێ كوردستانێ چێكەت هەمبەر لێوەرگرتنا پۆستێ سەرۆك كۆمارێ عێراقێ، دێ كاریگەری لسەر حوكمەتا داهاتیا هەرێمێ ژی هەبیت.
نسرەت سۆفی، سەرۆكێ پەیمانگەها كوردستان بۆ پرسێن سیاسی بۆ ئەڤرۆ نیۆز ئاشكراكر” پێشبینی دهێتەكرن پشتی هەلبژارتنێن پەرلەمانێ كوردستانێ پێك ئینانا حوكمەتا نوویا هەرێما كوردستانێ گیروببیت، ژبەركو ئێكەتی دخوازیت ئاستەنگان بۆ هەرێما كوردستانێ چێكەت ژبەر پۆستێ سەرۆك كۆماری، لەوڕا دێ كاریگەری لسەر پڕۆسا پێك ئینانا كابینا حوكمەتێ هەبیت.
نسرەت سۆفی گۆتژی” هەتا زانیاری هەنە ئێكەتی ئاستەنگا بۆ پڕۆسا هەلبژارتنێن پەرلەمانێ كوردستانێ ژی چێكەت و هه‌كه رۆژا 25/9 سەرۆك كۆمار هاتبا هەلبژارتن، پێشبینی دهاتەكرن هەلبژارتنێن پەرلەمانێ كوردستانێ یان رێڤەنەچن یان ژی توشی ئاریشەیێن مەزن ببیت، ئێكەتی نیشتیمانی ژبەر بدەستڤەئینانا پۆستێ سەرۆك كۆماری دخوازیت هەلبژارتنێن هەرێما كوردستانێ رێڤەنەچن”.
