چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
سلێمانی، عەزیز هەورامانی:
چاڤدێرین سیاسی ئاماژێ دكەن: كۆمبوونێن سەرۆك بارزانی ل گەل سەركردەیێن كورد یێن بلند ل باكوور و رۆژئاڤای ژ گرینگیدان و خەمخورییا سەرۆك بارزانی یە بۆ پرسا دیتنا چارەسەریێن گونجای بۆ دۆزا كوردی ل سووریێ و توركیا، هەروەسا دبێژن: دەولەتێن هەرێمایەتی و دەڤەرێ بۆ چارەسەرییا پرسا كوردی ل دەڤەرێ دزڤرن بۆ ئالیێ سەرۆك بارزانی.
ماجد خەلیل، چاڤدێرێ سیاسی، بۆ رۆژنامەیا (ئەڤرۆ) گۆت» تێكگەهشتنا نێڤدەولەتی و هەرێمی یا گەهشتییە وێ باوەریێ، ئاساییبوونا رەوشا دەڤەرێ، گرێدایە ب دۆزا كوردانڤە، وێ چەندێ ژی وەكریە دانوستاندن ل گەل سەركردەیێن كوردان بۆ وەرگرتنا هەر بڕیارەكێ ل دەڤەرێ دهێتە كرن، هەروەسا یێن تێكگەهشتین ژی كو بێی هەماهەنگیێ ل گەل سەركردەیێن كوردان نەشێن بەردەوام بن».
گۆت ژی» سەرۆك بارزانی و سیاسەتمەدارێن كورد ل پارچەیێن دی، هەماهەنگی ل گەل هەڤدو، سەرەدانا مەزلووم كۆبانی و وەفدێ ئیرالی بۆ هەولێرێ و كۆمبوونا وان ل گەل سەرۆك بارزانی، پەیامەكا تمام گرنگ بوو، د نوكە دا بڕیارەكا ژ وی جۆری هەی رێكەكا دروست بهێتە دیتن، رێكێن دیموكراتی بهێنە بكارئینان بۆ دۆزا كوردی، بكارئینانا دیموكراسیەتێ مەرجێ مانا هەر دەولەت و هێزەكا سیاسییە ل دەڤەرێ».
دیاركر ژی» باكوور و باشوور و رۆژئاڤا و رۆژهەلاتێ كوردستانێ، بێی ئارامبوونا دۆزێن دەڤەرێن دی، ئارامیێ بخوەڤە نابینن، بۆ هەموویان دیاربوو دۆزا كوردی زنجیرەیەكا پێكڤە گرێدایە، ب شێوەیەكێ نە ساخلەم رەفتار ژ ئالیێ دەولەتانڤە ل گەل دۆزا كوردی یا هاتیە كرن».
وی چاڤدێرێ سیاسی ئاماژەكر» سەركردایەتییا سیاسییا كوردی ل هەرسێ پارچەیێن دی یێن گەهشتینە وێ باوەریێ، باشوورێ كوردستانێ د نوكەدا یێ بوویە لێڤەگەرەكێ دیرۆكی د 30 سالێن بۆریدا، دەست ب پرۆسەیا چارەسەریێ ل هەر پارچەیەكا دی ژی، ب لێزڤرینی بوو بۆ هەولێری».
