چاڤدێرەکێ سیاسی: حوکمەتا نوو ل سەر بنەمایێ تەوافقێ بھێتە دامەرزاندن باشترە
ئەڤرۆ نيوز:
چاڤدێرەکێ سیاسی ل ھەرێما کوردستانێ دیارکر، رەوشا نوکەیا کوردستانێ وەسا دخوازیت کو حوکمەتا نوو یا کوردستانێ ل سەر بنەمایێ تەوافق و سازان بھێتە دامەزراندن نەک ل سەر بنەمایێ ئەنجامێن ھەلبژارتنان سەرەرای کو ل گور ئەنجامێن ھەلبژارتنا دێ پوست ھێنە بەلاڤکرن، بەلێ پشکداریکرن ل بڕیارا سیاسیدا ل رێڤەبرینا حوکمەتێدا پێدڤیە ب تەوافقا سیاسی و سازانێ بیت، ژبەر کو رەوش یا ھاریکارنینە پێدڤیە راستیا وەلاتێ خوە ڤەخوینین وی دەمی پێنگاڤێن سیاسی بھاڤێژین ، دەڤەر ب خوە د ئالوزیێدایە شیانێن ھەلگرتنا ئالوزیێن زێدەتر نینە، پارتی دیموکراتی کوردستان ژی وەک ئێکەما ھەلبژارتنا پێ باشە حوکمەتا نویا کوردستانێ حوکمەتا شەراکەتا راستەقینە بیت لسەر بنەمایێ سازانێ و تەوافقێ بیت .
ئەحمەد بەکر چاڤدێرێ سیاسی ل ھەرێما کوردستانێ بۆ روژناما ئەڤرۆ راگەھاند : پارتی دیموکراتی کوردستان ب رێژەکا باش بەریا دوەما ھەلبژارتنا دھێت ئەگەر پارتی بڤێت دشێت ل گەل چەند ھەڤپەیمانا 50+1 حوکمەتێ پێکبینیت ،بەلێ پارتی دیموکراتی کوردستان ل گەل وێ چەندێدایە ھەمو لایەک پشکداربن ل حوکمەتا نویا کوردستانێ ل گوری رێژە و دەنگێن ل ھەلبژارتنا ب دەستڤەئینای ،خەما پارتی دیموکراتی کوردستان ئەوە چەوا حوکمەتەکا نو یا ب ھێز پێکبینیت کو ئەوژی خوە ل ئێکگرتنا لایەنێن سیاسیدا دبینیت ڤە.
ئەحمەد گوتژی : ھژمارەکا پارتێن نویێن سیاسی پشکداری ھەلبژارتنا کریە نمونە نڤشێ نوی ھژمارەکا کورسیا بدەستڤە ئینایە بەلێ ل گوری راگەھاندنا وان بریارە پشکداری پەرلەمانی و حوکمەتێ نەبن واتە خو ڤەکێشن ل پروسێسا سیاسی ل کوردستانێ ل گوری قانونێ کومیسیوون دێ کورسیێن وان دابەشی سەر لایەنێن دن یێن سیاسی کەت ئەگەر پشکدار نەبن ل پروسیا سیاسی و پەرلەمانی ،ئەگەر پشکداریێ ل پروسیا سیاسی ژی بکەن بەلێ نەبنە ھێزا بناڤ ئوپوزوسیون ژبەرکو ل کوردستانێ ئەزمونا ئوپوزوسیونێ یاسەرکەفتی نەبۆ نەشیا ببیتە کارەکتەرەکا سەرکەفتی ل پروسا سیاسیدا ئوپوزوسیون ل کوردستانێ نەشرینکر ،ھەر لایەنەکێ پشکداری حوکمەتی بیت و ببیتە ئوپوزوسیون پێدڤیە ئەولەویەتا کارێ وان خزمەتکرنا خەلکێ کوردستانێ بیت نەک خرابکرن و نەشرینکرنا کوردستانێ.
