چه‌ره‌زات ژیێ مروڤى درێژ دكه‌ت
ئه‌ڤرۆ نیوز،زنار تۆڤى:
ل دووڤ گوتنا ڤه‌كولینه‌كا بوورى كو كاریگه‌ریا هه‌مى جۆرێن چه‌ره‌زاتا ل سه‌ر سلامه‌تیا دلى و خوین به‌ران پشتراست كریه،له‌ورا نوكه ده‌ركه‌فتیه كو چه‌ره‌زات هوكاره‌كن بۆ درێژبوونا ژیێ مرۆڤى.
زانایان پشتى ئه‌نجامدانا ڤه‌كۆلینه‌كا زانستى ل سه‌ر ره‌وشا ته‌ندروستیا پتر ژ (400) ژن و زه‌لامان بۆ ماوێ زێده‌تر ژ 10 سالان كرى،وه‌سا نیشاندا كو ئه‌و كه‌سێن كو رۆژانه بره‌كا كێم یا چه‌ره‌زاتان دناڤ خوارنا وان دا هاتیه دانان،ب رێژه‌یا 23% ژ مه‌ترسیا مرنێ ب ئه‌گه‌رێ تووشبوونێ ب نه‌خۆشیێن دلى و خوینبه‌ران كێم دكه‌ت،له‌ورا مفایێن خوارنا چه‌ره‌زاتا پێكهاتینه، ب رێژه‌یا 45% ئه‌گه‌رێ مرنێ ب هۆیێ تووشبوونا نه‌خۆشیێن مێشكى كێم دكه‌ت،هه‌روه‌سا ب رێژه‌یا 39% ئه‌گه‌رێ مرنێ ب هۆیێ تووشبوون ب نه‌خۆشیێن هه‌ناسه‌یێ كێم دكه‌ت،هه‌روه‌سا ب رێژه‌یا 30% مرۆڤى ژ تووشبوونا نه‌خۆشیا شه‌كرێ دپارێزیت.
ب گۆتنا ڤه‌كۆله‌ران خوارنا كاكلێن چه‌ره‌زاتا یا ده‌وله‌مه‌نده ب دژى ئۆكسیدانه‌یان،هه‌روه‌سا یا ده‌وله‌مه‌نده ب ڤیتامینان،مادده‌ه‌یێن كانزایى و قه‌له‌ویان و ماددێن سۆدبه‌خش،كو رۆله‌كێ گرنگ دكێمكرنا رێژه‌یا مرنێ دبینن.
