چه‌ندین پێشانگه‌هێن نێڤده‌وله‌تی ئه‌ڤ ساله ل دهۆكێ دێ هێنه ڤه‌كرن
ئه‌ڤرۆ:
پارێزگارێ دهۆكێ ل گه‌ل جڤاتا ژوورا بازرگانی و پیشه‌سازیا دهۆكێ كۆم بوو، تێدا باس ل ڤه‌كرنا چه‌ندین پێشانگه‌هێن جودا یێن نێڤده‌له‌تی ل دهۆكێ د سالا نوودا كر.
د. عه‌لی ته‌ته‌ر، پارێزگارێ دهۆكێ دوهی 9/1/2023 د روونشتنه‌كێ دا ل گه‌ل جڤاتا ژوورا بازرگانی و پیشه‌سازیا دهۆكێ باس ل به‌رنامه و كار و چالاكیێن ژوورا بازرگانی و پیشه‌سازی و ڤه‌كرنا چه‌ند پێشانگه‌هێن جودا یێن نێڤده‌وله‌تی د سالا نوو دا كرن.
دیسا هه‌ر دوهی د. عه‌لی ته‌ته‌ر، پارێزگارێ دهۆكێ پێشوازی ل كه‌سوكارێن هه‌شت قوربانیێن ئه‌رمه‌نی یێن د روودانه‌كا هاتنوچوونێ دا به‌ری چه‌ند هه‌یڤان گیانێ خوه ژ ده‌ستدایی كر و د هه‌ڤدیتنه‌كێ دا ب به‌رهه‌ڤبوونا یه‌روانت نیسان كه‌سایه‌تیێ ئه‌رمه‌نی باس ل ره‌وشا ژین و ژیارا وان و هه‌ر سێ بریندارێن دی یێن روودانێ و ره‌وشا ساخله‌میا وان هاته كرن.
