چه‌ند ترۆمبێلێن جام ره‌ش و سه‌خته هاتينه ده‌سته‌سه‌ركرن؟
ئه‌ڤرۆ نيوز:
بەرپرسێ پشکا ھاتنوچوونا قەزا شێخان بۆ رۆژناما ئەڤرۆ دیار کر کو د ھەیاما بۆری دا مەفرەزێن وان چەند سەرپێچیێن جودا ل سنوورێ قەزا شێخان گرتینە و 14 شۆفێرێن بێ دەستووری ژی بۆ دادگەھێ ھنارتینە.
نەقیب بەدرخان محەمەد سەلیم، بەرپرسێ پشکا ھاتنوچوونا قەزا شێخان ئاشکرا کر، ل دووڤ بڕیارا وەزارەتا ناڤخوە یا حوکمەتا ھەرێما کوردستانێ بۆ نەھێلانا ترۆمبێلێن جام رەش و سەرپێچیێن دی، ئەو بەردەوام مەفرەزان ل ناڤ سەنتەرێ قەزا شێخان و دەوروبەران ددانن و گۆت: “ھەتا نوکە مە 176 سەرپێچیێن ترۆمبێلان گرتینە، ژ وان 64 ترۆمبێلێن جام رەش و 93 ترۆمبێلێن جامێن وان ھاتینە پەردە پۆشکرن دەستەسەرکرینە، ھەروەسا 14 شۆفێرێن بێ دەستووری ژی گرتینە و بۆ دادگەھا شێخان ھنارتینە و دو ترومبێلێن تابلۆیێن وان سەختە و سێ ماتۆرسکلا دەستەسەرکرینە”.
ناڤبری خویا ژی کر ئەو ھەموو سەرپێچیێن ھاتینە دەستەسەرکرن ل دووڤ بڕیارا وەزارەتا ناڤخوە دێ ھێنە سزادان و گۆت: “پشتی ئەڤ بڕیارە ژ وەزارەتێ دەرکەفتی ب رێیا دەزگەھێن ڕاگەھاندنێ خەلکەک گەلەک د گەل مە یێ ھاریکارە بۆ ژناڤبرنا ڤان سەرپێچیان”.
