چه‌ند جاده‌یێن ناڤخوه‌یى ل دێره‌لۆکێ دهێنه چێكرن
ئه‌ڤرۆ نیوز، مه‌حمود نهێلى:
باژێرڤانیا دێره‌لۆک ده‌ست ب چێكرنا چه‌ند جاده‌یه‌یێن ناڤخوه یێن ل سه‌نته‌رێ ناحیا دێره‌لۆک كریه و ئه‌و جاده‌یێن گرنگن ژى بهێنه چێكرن د پلانانا باژێرڤانیێ داینه .
ئه‌ندازیار عه‌بدولمه‌ناف ره‌شید سه‌رۆكێ باژێرڤانیا دێره‌لۆکێ بۆ ئه‌ڤرۆ نیوز دیاركر، زێده‌بارى كێمیا وێ پارێ ل به‌ر ده‌ستێ وان لێ ئه‌و هه‌موو شیانێن خوه دده‌نه كارى ژ بۆ چێكرنا جاده‌یێن ناڤخوه و هه‌روه‌سا جوانكرنا دیمه‌نێن باژێرى و گۆت: (نوكه وان ده‌ست ب چێكرنا دو جاده‌یێن ناڤخوه‌یى كریه ل تاخێ داستان و ژ به‌ر كێمیا پارێ به‌رده‌ستێ وان ژلایێ كارمه‌ندێن وان و ئامیرێن كێمێن به‌رده‌ستێ وان ڤه دهێته چێكرن).
ناڤهاتى دیار ژى كر، جاده‌یه‌كى دى هه‌ر ل تاخێ داستان كو گه‌له‌ك گازنده گه‌شتینه به‌رده‌ستێ وان كو چێكرنا ڤێ جاده‌یێ پێدڤى ب كوژمه‌كى زۆرێ پاره‌یه له‌ورا وان كریه د سه‌رێ لیستا پرۆژه‌یێن ب له‌ز یێن ئه‌ڤساله دا و هه‌ر ده‌مه‌كى رازیبوون ل سه‌ر هاته كرن ئه‌و دێ ده‌ست ب چێكرنا وان كه‌ن ب تایبه‌تى وێ جاده‌یێ كو گه‌له‌ك جاران بوویه ئه‌گه‌رێ دروست بوونا روودانان و هند جاده‌یێن دى یێن تاخێ نوو هاتینه چێكرن.
