چه‌ند رێك وجاده ل گوندێ قه‌سارا دێ هێنه قێركرن
بو دویڤ چونا ره‌وشا خه‌لكێ گوندا قه‌سارا وزانینا كێم وكاسیێن خزمه‌تكارى تایبه‌تى پروژێن ئاڤ وئاڤ رێژا ورێكێن هاتن وچونێ، فه‌رهاد ئه‌مین ئه‌تروشى پارێزگه‌رێ دهوكێ دگه‌لدا چه‌ند رێڤه‌به‌رێن فه‌رمانگه‌هێن خزمه‌تكارى سه‌ره‌دانا گوندێ قه‌سارا كرن وژنێزیك سه‌حكره ره‌وشا گوندى وپێدڤیێن خه‌لكى ب پروژێن خزمه‌تكارى تایبه‌تى چێكرنا جاده وكولانان و دابینكرنا ئاڤا ڤه‌خوارنێ.
پارێزگه‌رێ دهوكێ فه‌رماندا كو رێڤه‌به‌ریێن په‌یوه‌ندیدار بزوترین ده‌م ڤه‌دیتنا بو جاده وكولانێن سه‌ره‌كى یێن گوندێ قه‌سارا هه‌روه‌سا ڤه‌دیتنێ بو رێكخستن وبه‌رفره‌هكرنا رێكا سه‌ره‌كى یا گوندێ قه‌سارا بهێنه دورستكرن بو وێ یه‌كێ كو بله‌ز ئه‌و رێك وكولان بهێنه قێركرن وكونكریتكرن.
هه‌روه‌سا ته‌كه‌زى ل سه‌ر سه‌خبێركرنا پروژێن ئاڤێ وتورێن به‌لافكرنا ئاڤێ ل ناڤا گوندى كر كو ب هه‌ڤكارى دگه‌ل سه‌روكاتیا باژێرڤانیا دهوكێ بهێنه چێكرن.
هه‌ژى گوتنێ یه به‌رى نوكه پتر ژشه‌ش كولان وجاده‌یان ل ناڤ گوندێ قه‌سارا هاتینه قێركرن.
