چه‌ند كيلۆمه‌تر ماينه داعش بگه‌هيته به‌غدا؟
ئەڤرۆ نیۆز، سالار دۆسکی:
شارەزایەکێ سەربازی بۆ مالپەرێ ئەڤرۆ نیۆز ئاشکراکر کو چەند تیرۆرستێن داعش عەردی وەک بەرفرەھی بگرن، کونترولکرنا وان لاواز دبیت.
عەقید مەسعود سالح، شارەزایێ سەربازی بۆ مالپەرێ ئەڤرۆ نیۆز گۆت: پشتی داعش باژێرێ رومادی کونترولکری شیانێن داعش ژ روویێ مورالێ ڤە پێش کەفتی نە، دیسان چەک و تەقەمەنیێ فرقەکا لەشکەری یا پیادە کەفتە دەستێن داعش، داعش ئەڤ شیانە ب کارئیناینە ژ سێ لایەن ڤە، لایێ ئێکێ ھێرشەکا ئێکسەر بۆ سەر بەغدا پشتی کونترولکرنا قەزا خالدیە، ھێرشەکا ئێکسەرە بۆ دەربازبوونا سعودیێ و ئوردنێ ئەڤە و پشتی کونترولکرنا قەزا نوخێب، دیسان ھێرشکەکا ئێکسەرە بۆ سەر کەربەلا و نەجەف ئەڤەژی پشتی کونترولکرنا قەزا جبھەت سەخەر.
ناڤبری گۆت: ھەکە ھێزێن ھەڤ پەیمانان رێگر نەبن بۆ برنا کەل و پەلێن سەربازی ژ رومادی بۆ مووسل دێ داعش مەترسیەکا مەزن بیت چێکەن و دڤێت ھێزێن ھەڤپەیمانان ھێلەکا بەرگێریێ یا ئەسمانی دروست بکەن و نەھێلن ئەڤ کەلو پەلە دەربازبن، ناڤبری گۆت: داعش چەند عەردی ڤەگریت دێ کونترول لاوازبیت، ھەکە دەربازیی سنورێن چوو وەلاتی دی نەبیت دێ بەر ب لاوزیێ ھێت، چونکە ئەو ھێز نینە ئەڤی عەردی ھەموویێ کونترول بکەت و رومادی وەک مووسل نینە ھەر قەزایەک ٧٠ کم ژئێک دوورە، ھێزێن عیراقی شێن ھێرشکەنێ لێ دێ یا رحەت بیت نەوە عەبادی ئاشکراکری کو ب چەند رۆژان دێ رومادی ھێتەزڤراندن.
شارەزایێ لەشکەری گۆت ژی: نوکە داعش ٣٥ کم نێزیکی بەغدایە، دیمەشق دوورە و ھەتا لازیقە بھێتە کونترولکرن دووڤ دا دێ دیمەشق کەڤیت.
