چه‌ند پێزانين ل دۆر 15 داعشێن ل سلێمانيێ هاتينه گرتن
ئه‌ڤرۆ نيوز:
ل گۆر وان پێزانينێن كه‌نالێ گه‌لى كوردستان بده‌ست خوڤه‌ئيناين، د سێ هه‌يڤێن بوورى دا، شانه‌كا نڤستى يا 15 كه‌سى يا داعش ئاشكرابوويه و هێزێن ئێمناهيا سلێمانيێ و كه‌ركووكێ ب هه‌ڤكاريا رێڤه‌به‌ريا هه‌والگرى و ئاسايشا سلێمانيێ هاتينه ده‌سته‌سه‌ركرن.
ل دووڤ پێزانينێن ڤى كه‌نالى، 13 تيرورست ل ناڤ سلێمانيێ و ده‌وروبه‌ران وه‌ك شانا نڤستى كار كريه و ئێك ژ وان موفتيێ شه‌رعى يێ داعش بوويه ل سلێمانيێ و سه‌رپه‌رشتيا وان كريه، به‌لێ د هه‌وێن هێزێن ئێمناهيێ دا و ل ده‌م و جهێن جودا هاتينه گرتن و 2 تيرورستێن دى ل كه‌ركووكێ هاتينه گرتن كو ل دووڤ مادێ 4 يێ تيروێ ل دادگه‌هێن به‌غدا و ئه‌نبار و بابل و سه‌لاحه‌دين يێن داخواز كرى بوون.
