چه‌ند پێشمه‌رگه وه‌كو ئێخسير كه‌فتينه ده‌ستێ داعش؟
ئه‌ڤرۆ نيوز:
هه‌لگۆرد حكمه‌ت، رێڤه‌به‌رێ راگه‌هاندن و هشياريێ ل وه‌زاره‌تا پێشمه‌رگه‌يى بۆ رووداو راگه‌هاند كو هه‌تا نوكه ئه‌وان پرۆسا گورينا ئێخسير ب ئێخسير ل گه‌ل داعش نه‌كريه و گۆت: “داعش باوه‌رى ب گوهۆڕينا ئێخسيران نينه”.
ئاشكه‌را ژى كر كو به‌رى شه‌رێ ڤان چه‌ند رۆژێن بۆرى هژمارا ئێخسيرێن د ده‌ستێ داعش دا 39 پێشمه‌رگه بوون.
ئه‌ڤه د ده‌مه‌كى دايه كو به‌حس ل وێ چه‌ندێ دهێته كرن د شه‌رێ ڤان دو رۆژێن بۆرى يێن هێزێن پێشمه‌رگه‌يى و چه‌كدارێن داعش دا ل ميحوه‌رێن باشوورێ كه‌ركووك 13 بۆ 15 پێشمه‌رگان كه‌فتبنه ده‌ستێ داعش.
هه‌ر ب گۆره‌يى ئه‌و ژێده‌رێن رووداو ب ده‌ست خوه خستين د شه‌رێ ڤان دو رۆژێن بۆرى دا، 32 چه‌كدارێن داعش ب ئێخسيرى كه‌فتينه ده‌ستێ پێشمه‌رگه‌يى.
