چو كانديد بۆ سه‌رۆكاتيا هه‌رێمێ نينن و سوبه‌هى دووماهى ژڤانه
ئه‌ڤرۆ نيوز:
هه‌تا نوكه چو كه‌سه‌كى خوه بۆ پۆستێ سه‌رۆكاتيا هه‌رێما كوردستانێ كانديد نه‌كريه كو بڕياره د دو هه‌يڤێن بهێت دا بهێته ئه‌نجام دان.
شوره‌ش حه‌سه‌ن، رێڤه‌به‌رێ گشتى يێ په‌يوه‌ندى و راگه‌هاندنێ ل كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند: “هه‌تا نوكه چو كه‌سه‌كى فورمه بۆ خوه كانديدكرنێ بۆ پۆستێ سه‌رۆكاتيا هه‌رێمێ پڕ نه‌كريه و داخواز بۆ ڤێ مه‌ره‌مێ پێش كێش نه‌كريه”.
گۆتژى: “ب تنێ سوبه‌هى يا مايى بۆ تۆماركرنا قه‌وارێن سياسى و خوه كانديدكرنێ بۆ پۆستێ سه‌رۆكاتيا هه‌رێمێ بۆ هه‌لبژارتنێن خولا پێنجێ يا په‌رله‌مانێ كوردستانێ و سه‌رۆكاتيا هه‌رێما كوردستانێ”.
بڕياره ل 1ى چريا ئێكێ يا ئه‌ڤ ساله هه‌ردو هه‌لبژارتێن په‌رله‌مانێ كوردستانێ و سه‌رۆكاتيا هه‌رێمێ ب رێڤه بچن و بۆ وێ مه‌ره‌مێ ژى كۆمسيۆن يا ئاماده‌كاريان دكه‌ت.