چ وه‌خت پێدڤه ب ئێكجارى كورد خوه ژ پرۆسا سیاسى یا عیراقێ ڤه‌كێشن؟
ئه‌ڤرۆ نیوز، ره‌وان نهێلى
پروفیسور د.به‌ردخان سندى بۆ ئه‌ڤرۆ نیوز ئاماژه ب وێ یه‌كێ كر كو باشترین بژارده ل هه‌مبه‌ر كوردان، ئه‌گه‌ر به‌غدا ل سه‌ر سزادانا خه‌لكێ كوردستانێ یا به‌رده‌وام بیت، بایكوتكرنا هه‌لبژارتنێن عیراقێ یه و گۆت” من نامه‌ك بۆ سه‌رۆك بارزانى نڤیسایه و دێ گه‌هینمێ، من تێدا داخواز كریه، ئه‌گه‌ر به‌غدا ل سه‌ر بنپێكرنا مافێن كوردان یا به‌رده‌وام بیت و مافێن وێ یێن ده‌ستورێ نه‌ده‌تێ، باشتره هه‌رێما كوردستانێ پشكداریێ د هه‌لبژارتنێن عیراقێ دا نه‌كه‌ت و حوكمه‌تا هه‌رێما ب نڤیسار بۆ نه‌ته‌وێن یه‌كگرتى و جڤاكێ نێڤده‌وله‌تى و هه‌موو رایا گشتى دیار بكه‌ت كو سه‌ره‌راى هه‌موو داگێرانێن كوردان كرین، به‌لێ به‌غدا یا به‌رهه‌ڤ نه‌بوو مافێن كوردان بده‌تێ و د ڤى ده‌مى دا په‌رله‌مانتارێن مه‌ژى ناچنه به‌غدا و سویندێ بۆ ئێكپارچه‌ییا عیراقێ ناخوون”.
