“چ پارە بۆ ئاڤەدانکرنا سنوونێ نەھاتیە تەرخانکرن”
ئەڤرۆ:
رێڤەبەرێ ناحیا سنوونێ نایف بۆ ئەڤرۆ دیار کر کو ھەتا نوکە چ پارە بۆ ئاڤەدانکرنا سنوونێ نەیێ دیارە و گۆت “ژ پارێ سالا ٢٠١٤ و ژ یێ ئەڤ سالە ژی چ نەگەھشتیە سنوونێ و خەلک ژی ژ بەر نەبوونا خزمەتگوزاریان نەشێن ڤەگەرنە سەر مال و مولکێن خوە”.
نایف سەیدو رێڤەبەرێ ناحیا سنوونێ دیار کر کو ب تنی جێگرێ پارێزگارێ مووسل عەبدولقادر شنگالی کۆژمەکێ پارەی گەھاندیە سنوونێ و ئەو ژی تێرا چ ناکەت و گۆت “ھەکە پارە نەھێتە تەرخانکرن و بۆدجا سنوونێ ئاشکرا نەبیت ئەم نەشێین چ پرۆژا ئەنجام بدەین، ل دەمەکی سنوونێ زۆر پێدڤی ب خزمەتگوزاریانە و ھەتا خەلکەک بشێت بزڤریتە سەر مال و مولکێن خوە، چونکی ھەکە خزمەتگوزاری نەبن یا ب زەحمەتە خەلک ژی بشێت ڤەگەریت، لەورا پێدڤیە حکوومەتا عیراقێ خوە بێدەنگ نەکەت و کۆژمەکێ باشێ پارەی تەرخان بکەت بۆ ئاڤەدانیا وان دەڤەرێن ژ دەستێن تیرۆرستین داعش دھێنە رزگارکرن”.
نایف سەیدو ئەو ژی دیار کر کو کارگێریا پارێزگەھا دھۆکێ ب ھەموو سازیێن خوە ڤە و خەلکێ دھۆکێ ژی زۆر ھەڤکارن و گۆت “ئەم سوپاسیا وان دکەین، لێ بەغدا چ نەکریە و ئەڤە چەند ھەیڤ سەر رزگارکرنا سنوونێ و گەلەک دەڤەرێن دی ژی دەرباز بوون، ھیشتا بەغدا چ پارە تەرخان نەکریە بۆ ئاڤەدانیێ و خزمەتکرنا خەلکی”.
