ڕێباز حه‌ملان:پێشبینیێ دكه‌م پشكا هه‌رێما كوردستنانێ ژ بودجێ ئیراقێ ببیته 14%
ئه‌ڤرۆ:
هاریكارێ سه‌رۆكێ حوكمه‌تا هه‌رێما كوردستانێ، ڕێباز حه‌ملان ڕاگه‌هاند، ڕێككه‌فتنا د ناڤبه‌را به‌غدا و هه‌ولێرێ دا گاڤه‌كا ئه‌رێنی یه، ب تایبه‌تی ئه‌گه‌ره‌كێ مه‌زن یێ هه‌ی كو پشكا هه‌رێما كوردستانێ ژ بودجێ گشتی یێ ئیراقێ بۆ سالا 2023 ژ 12،67% ببیته 14% ل گه‌ل چاره‌سه‌ركرنا دۆَسێیێن یێن هه‌لاویستی ب گۆره‌ی دستووری.
رێباز حه‌ملان گوتژ ی” حوكمه‌تا هه‌رێما كوردستانێ یا پیگیر و به‌رده‌وامه ل سه‌ر بجهئینانا كارنامه و به‌رنامه‌یێن كابینا نه‌هێ”.
هاریكارێ سه‌رۆكێ حوكمه‌تا هه‌رێما كوردستانێ خویاكر ژی” هه‌كه ئاسته‌نگ و فاكته‌رێ ده‌ره‌كی نه‌بیته ئه‌گه‌رێ گیروبوونا وان، ل سالا نوو یێ گه‌شبینم ب وێ چه‌ندێ كو د بوارێ به‌رهه‌مئینانا په‌ترۆل و غازا سروشتی دا دێ به‌ر قۆناغه‌كا پێشكه‌فتیتر بۆ داهاتیه‌كێ باشتر چین و هنارده‌كرنا په‌ترۆلێ دێ به‌رده‌وام بیت”.
ناڤبری ئاماژه ب وێ چه‌ندێ ژی كر كو د بوارێ دارایی دا ڕێكخستن و چاكسازیكرن د كۆمكرنا داهاتێن ناڤخوه‌یی دا ژ باج گومرك و رسوماتێن ناڤخوه‌یی دێ بنه ئه‌گه‌رێ زێده‌بوونا داهاتێ نه‌په‌ترۆلی و كه‌رتێ به‌نكی ژی دێ بیته ده‌زگه‌هه‌كێ نێڤده‌وله‌تی و سیسته‌ماتیك”.
سه‌باره‌ت ڕێككه‌فتنا د ناڤبه‌را به‌غدا و هه‌ولێرێ دا ل سه‌ر پرسا بودجه‌ی، هاریكارێ سه‌رۆكێ حوكمه‌تا هه‌رێما كوردستانێ گوت” ڕێككه‌فتنا به‌غدا و هه‌رێما كوردستانێ دێ گاڤه‌كا ئه‌رێنی بیت ب تایبه‌تی ئه‌گه‌ره‌كێ زۆره پشكا هه‌رێما كوردستانێ ژ بودجه‌یا گشتی یا ئیراقێ بۆ سالا 2023 ژ 12،67% بۆ 14% زێده ببیت ل گه‌ل چاره‌سه‌ركرنا دۆسێیێن دی یێن هه‌لاویستی ب گۆره‌ی دستووری”.
هه‌روه‌سا دیاركر كو مووچێ مووچه‌خۆرێن هه‌رێما كوردستانێ دێ به‌رده‌وام و ل ده‌مێ خوه هێته به‌لاڤكرن و دێ بیته ئه‌گه‌رێ ڤه‌ژاندنا دارایی و ئابووری ل هه‌رێما كوردستانێ و دێ لڤینه‌كا به‌رچاڤ ل بازاری زێده‌باری لڤینا بازرگانی”.
دیاركر ژی” هه‌رێما كوردستانێ پێگه‌هه‌كێ كاریگه‌ر و ستراتیژی هه‌یه ژ ڕوویێ سیاسی و ئابوری و جوگرافی و فه‌رهه‌نگا پێكڤه‌ژیانێ و هه‌موو پێكهاته و ئایین یێن تێدا كۆمبووین و ژ ڕوویێ په‌یوه‌ندیێن نێڤده‌وله‌تی ڤه هه‌رێما كوردستانێ دێ پتر پێشڤه‌چیت”.
