ڕێز ل وەبەرهێنەرێن هاریكاریا زیانڤێكەڤتیێن دهۆكێ‌ و زاخۆ كرین هاتە گرتن

زاخۆ، دلۆڤان هالۆ:

دەستەیا گشتی یا وەبەرهێنانا حوكمەتا هەرێما كوردستانێ د مالپەڕێ خوە یێ فەرمی دا دیار كرییە، دكتۆر محەمەد شوكری، سەرۆكێ دەستەیا وەبەرهێنانا حوكمەتا هەرێما كوردستانێ د ڕێوڕەسمەكێ تایبەت دا خەلاتێ ڕێزگرتنێ پێشكێشی وان وەبـەرهێنەران كر یێن هاریكاریێن دارایی پـێشكێشی زیانڤێكەڤتیێن لەهیێن دهۆكێ‌ و زاخۆ كـرین.
سەرۆكێ دەستەیا وەبەرهێنانا هەرێما كوردستانێ ب ئامادەبوونا ئەحمەد ڕێكانی، سەرۆكێ ئێكەتیا وەبەرهێنەرێن كوردستانێ سۆپاسیا ڕۆل و پشكداریا وان وەبەرهێنەران یا جامێرانە د هاریكاریكرنا زیانڤێكەڤتیێن لەهیێن دهۆكێ‌ و زاخۆ دا كر.
دكتۆر محەمەد شوكری گۆت: «هاریكاریێن وە گەهشتینە دەستێ زیانڤێكەڤتیێن دهۆكێ‌ و زاخۆ، لەوما ژ پێش وان ڤە سوپاسی و دەستخۆشیێ ل وە هەمیان دكەم».
وەبەرهێنەرێن كوردستانێ ژ گەرمیان و حەلەبچە و سلێمانی و ڕاپەرین و سۆران و هەولێر و دهۆكێ و زاخۆ پشكداری ئەوێ كەمپینێ كربوو، یا ل 19ی ئادارا ئەڤ سالە دەستەیا وەبەرهێنانێ ئـاراستەیی وەبەرهێنەران كری، بۆ هاریكاریكرنا زیانڤێكەڤتیێن لەهیێن دهۆكێ‌ و زاخۆ.

کۆمێنتا تە