ژبەر ڤێ ئەگەرێ 590 سەربازێن تورکیا ژەھراوی بوون
ئەڤرۆ نیوز ، نەوزاد ھلۆری:
ل سەربازگەھا فەرماندەیا ئێکێ یا پیادە يا عمید عارف سەیھون ل ناوچەیا مانیسا ، وەزارەتا بەرەڤانیا تورکیا ڤە فتارەک بۆ ھژمارەکا سەربازێن خوە ئەنجام دا ، بەلێ ژبەرکو ئەو فتارە یا ژەھرکری بوویە ب ماددەیەکێ ژەھراوی 590 سەرباز تووشی ژەھراویێ بوون.
دڤی واریدا مالپەرا ئانادولو يا تورکی ل زاردەڤێ ” فکری ئیشک ” وەزیرێ بەرەڤانیا تورکیا گۆت: (وەزارەتا بەرەڤانیا تورکیا فتارەک بۆ پێنج ھزار 470 سەربازان ئەنجام دا ، بەلێ ب مخابنیڤە 590 سەربازێن مە توشی ژەھراوی بوونێ بوینە ، پشتی توشبوونا وان ھەر ل بنگەھێ سەربازگەھێ چارەسەری و پشکنین ژلایێ نوژدار و پەرستاران بۆ ھەموو سەربازان ھاتینەکرن ، ژ وانان ژی 370 بو نەخۆشخانێ ھاتینە رەوانەکرن بۆ نەخۆشخانێ ، سوپاس بو خودێ نھا رەوشا وان باشە و کەسێ گیانێ خوە ژ دەست نەدایە)
