ژدایکبوونا پێغەمبەرێ ئیسلامێ ل دھۆکێ دێ ھێتە ساخکرن
ئەڤرۆ نیوز، رێوار مزیری:
رێکخراوا ھاریکاریا کوردی ئەمریکی ب ھەماھەنگی ل گەل لقێ ئێک یێ پارتی دیموکراتی کوردستان و کۆمپانیا MRF دێ رۆژا ژدایکبوونا پێغەمبەرێ ئیسلامێ سلاڤ لێ بن ل رۆژا 20ى چريا دويێ 2018ێ ل دەمژمێر 2:30 نیڤرۆ ل پارکا نەورۆز ل دھۆکێ ساخکەن.
بلند بریفکانی، سەرۆکێ رێکخراوا ھاریکاریا کوردی ئەمریکی بۆ ئەڤرۆ نیوز دیار کر کو چەندین ئایەتێن قورئانا پیرۆز دێ د رۆژا ژدایکبوونا پێغەمبەرێ ئیسلامێ سلاڤ لێ بن دا ھێنە خواندن و ھەروەسا دێ شریناھی ل سەر ئامادەبوویان ھێنە بەلاڤکرن و سەرەرایی ڤێ چەندێ گرۆپێ (جودی) ژ زاخۆ دێ ب گۆتنا چەند سرۆدێن ئایینی پشکداریێ د ڤێ بیرەوەریێ دا کەن و گۆت: “داخوازێ ژ خەلکێ پارێزگەھا دھۆکێ دکەم ل جھێ ساخکرنا ڤێ بیرەوەریێ ئامادەبن”.