ژماره‌كا په‌نابه‌رێن نه‌قانوونى يێن كورد ره‌وانه‌يى سربيا كرن
ئه‌ڤرۆ نيوز:
ب سه‌دان په‌نابه‌رێن دى يێن نه‌قانوونى كو پتريا وان خه‌لكێ سوريا و رۆژئاڤايێ كوردستانێ نه سپێده‌هيا ئه‌ڤرۆ رۆژا ئه‌ينى 27ى ته‌باخێ ل باكوورێ يونان خوه گه‌هانده سنورێن مه‌كندونيا و پشتى چاڤه‌رێكرنێ بۆ ماوێ چه‌ند ده‌مژمێران ده‌سته‌لاتدارێن مه‌كدونيا ب شه‌مه‌نده‌فرێ ئه‌و په‌نابه‌ر به‌ر ب سربيا برن.
ئه‌ڤ كۆچه‌به‌ره يێن ژمارا وان دگه‌هيته 500 كه‌سان خه‌لكێ سوريا و رۆژئاڤايێ كوردستانێ نه و هنده‌ك ژى خه‌لكێ عيراقێ و باشوورێ كوردستانێ نه و هنده‌ك ژ ئه‌فغانستان و وه‌لاتێن دى يێن رۆژهه‌لاتا ناڤه‌راست چووينه و ئه‌ڤرۆ سپێدى گه‌هشتنه مه‌كدونيا و پشتى چه‌ند ده‌مژمێران ئه‌و په‌نابه‌ر ب شه‌مه‌نده‌فرێ بۆ سربيا ڤه‌گوهاستن و ل وێرێ ژى دێ چنه هنگاريا.
