ژمارەکا رێنمایان بۆ رێکخستنا کارێ تەکسیان هاتنه ده‌رخستن
ئه‌ڤرۆ نیوز:
ل گۆری نڤێسارەکا وەزارەتا ناڤخوە یا ھەرێمێ، بۆ تۆمارکرنا ھەر تەکسییەکا نوو پێدڤیە تەکسیەک بھێتە ھەلوەشاندن و د ناڤا تەکسیێ ژی دا دڤێت دو باج ھەبن، یا ئێکێ زانیاریێن ل سەر ترومبێلێ و ناڤ و وێنێ شوفێری ل سەر بیت و باجا دی ژی ژمارەیێن پۆلیس و ئاسایش و بەرھنگاربوونا توندوتیژییا دژی ژنان ل سەر بن.
نڤێسار ب ئیمزایا کەریم شگالی، وەزیرێ ناڤخوە ھاتیە بەلاڤ کرن و تێدا ھاتیە؛ ڤەگوھاستنا ژمارەیا تەکسیێ د ناڤا پارێزگەھان دا دێ ھێتە راگرتن و ھەر کەسەکێ کارێ شوفێریێ بکەت پێدڤیە رازەمەندییا ئالیێن ئێمناھی و سەندیکا کرێکاران وەربگریت.
ل گۆرەیی رێنمایان: لۆگۆیەکێ بازنەیی دێ ل تەکسیێن ھەر پارێزگەھەکێ ھێنەدان و یێن دناڤبەرا پارێزگەھا ژی ھاتوچوویێ دکەن ژی ب ھەمان ئاوا و دوپاتکریە ژ ئێکی خزیرانا ئەڤ سالە بریار دێ کەڤیتە د وارێ بجھئینانێ دا.
