ژڤانێ بجھئینانا گرانکرنا کارتێن موبایل و ئینتەرنێتێ ھاتە دیارکرن
ئەڤرۆ نیوز:
جڤاتا وەزیرێن عیراقێ بڕیاردا قانوونا نوو یا گومرکان ل سەرانسەری خالێن سنووری یێن عیراقێ بجە بینیت.
ل دووڤ راگەھاندنەکا جڤاتا وەزیرێن عیراقێ، ئەڤرۆ د کومبوونا جڤاتێن وەزیرێن عیراقێ دا ب سەرۆکاتیا د.رۆژ نوری شاوەیس جێگرێ سەرۆک وەزیرێن عیراقێ، بریار ھاتە دان دەست ب دانانا باجان ل سەر کارتێن مۆبایل و ئینتەرنێت و ترۆمبێلان ل ھەموو دەرگەھێن سنوری بێھتە دانان.
د کومبوونا جڤاتا وەزیرێن عیراقێ دا بریار ھاتە دان، ئەڤ قانوونە ل ١-٨ یا ئەڤ سالە بکەڤیتە دبیاڤێ بجھئیانێ دا و ھەتا وی ژڤانی کار ب قانوونا کەڤن یا باجان بھێتە کرن.
حکومەتا عیراقێ ل دەمێ دارشتنا بودجێ ٢٠١٥ ێ، بریاردا باجەکا زێدەتر بێختە سەر کارتێن موبایل و ترۆمبێل و چەند پێدڤیێن دی، ئەو ژی ب مەرەما کێمکرنا وێ کورتئینانا تووشی بودجەیێ ئەڤ سالە یا عیراقێ بووی.
بەری نوکە( فازل نەبی) بریکارێ وەزارەتا دارایی یا عیراقێ راگەھاندبوو، بریارا زێدەکرنا باجان ل سەر خالێن سنوری یێن عیراقێ، دێ ھەرێما کوردستانێ ژی ڤەگریت، و گۆتبوو: رێنمایێن تایبەت د وی بیاڤی دا دێ رەوانەی وەزارەتا دارایی یا ھەرێما کوردستانێ کەین.
