ژڤانێ دانا مووچێ مامۆستايان هاته دياركرن
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ ژڤانێ دانا مووچێ مامۆستايان بۆ ئێكه‌تيا مامۆستايان ئاشكه‌را كر.
عه‌بدولواحد محه‌مه‌د حاجى، سه‌رۆكێ ئێكه‌تيا مامۆستايێن كوردستانێ، د په‌يوه‌نديه‌كا تله‌فۆنى دا بۆ ئه‌ڤرۆ نيوز راگه‌هاند كو وه‌زاره‌تا دارايى و ئابوورى ل حوكمه‌تا هه‌رێما كوردستانێ بۆ ئێكه‌تيا مامۆستايان راگه‌هانديه كو دهێته چاڤه‌رێكرن ل رۆژێن 17 و 18\12، ئه‌و 500 مليۆن دۆلارێن هه‌رێما كوردستانێ ژ به‌غدا بگه‌هنه هه‌رێما كوردستانێ دا كو مووچێ وان وه‌زاره‌تێن مووچێ هه‌يڤا 10 وه‌رنه‌گرتى پێ بده‌ن.
سه‌رۆكێ ئێكه‌تيا مامۆستايێن كوردستانێ زێده‌تر گۆت: “بڕيار ژ ده‌سپێكا حه‌فتيا بهێت، مووچێ مامۆستايان بهێته به‌لاڤكرن”.
ژبلى ئه‌و چار هزار مامۆستايێن بڕياره گرێبه‌ست بۆ بهێنه گرێدان، وه‌زاره‌تا په‌روه‌ردا حوكمه‌تا هه‌رێما كوردستانێ زێده‌ترى 119 هزار مامۆستايان هه‌نه و هه‌يڤانه زێده‌ترى 150 مليار دينار بۆ دابينكرنا مووچێ وان دڤێن.
