ژڤانێ ده‌ستپێكرنا به‌لاڤكرنا مووچێ ئادارێ هاته دياركرن
ئه‌ڤرۆنيوز:
به‌رپرسه‌كێ حوكمه‌تا هه‌رێما كوردستانێ ئاشكراكر كو ل هه‌فتيا ئێكێ ژ هه‌يڤا خزيرانێ دێ ده‌ست ب به‌لاڤكرنا مووچێ هه‌يڤا ئاداراێ هێته كرن.
موه‌فه‌ق عه‌بدوللا، شيره‌تكارێ دارايى يێ وه‌زيرێ ساخله‌ميێ ل هه‌رێما كوردستانێ گۆت” ژ وه‌زاره‌تا دارايى وئابوورى پێزانين ب مه هاتن دان كو برياره ل 5 و6 هه‌يڤا خزيرانا 2018 ده‌ست ب به‌لاڤكرنا مووچێ هه‌يڤا ئادارێ بهێته كرن”.
ژێده‌ره‌كى ژ وه‌زاره‌تا دارايى وئابوورى ژى راگه‌هاند” ل هه‌فتيا ئێكێ ژ هه‌يڤا داهاتى دێ خشته‌كێ نوو يێ مووچه‌ى هێته به‌لاڤكرن”.
گۆت ژى” هه‌موو بزاڤ دهێنه كرن كو به‌رى جه‌ژنێ مووچێ پتريا وه‌زاره‌تان بهێته به‌لاڤكرن”.