ژڤانێ ده‌نگدانێ ل سه‌ر هه‌شت وه‌زيرێن مايين هاته ئاشكه‌را كرن
ئه‌ڤرۆ نيوز:
كامل دلێمى سه‌ركردێ هه‌ڤپه‌يمانيا نشتيمانى ل عيراقێ، ده‌رباره‌يى ژڤانێ باوه‌رى دان ب وه‌زيرێن دى يێن كابينا عادل عه‌بدولمه‌هدى كو هه‌تا نوكه وه‌زاره‌تێن وێ د بێ وه‌زيرن راگه‌هاند: “رۆژا سێشه‌مبى يا بهێت جڤاتا نوونه‌رێن عيراقێ دێ ده‌نگى ل سه‌ر ئه‌وان وه‌زيرێن دى ده‌ت يێن هه‌تا نوكه نه‌هاتينه دياركرن.
دلێمى بۆ كه‌نالێ رۆسيا توده‌يى گۆتژى: “وه‌زاره‌تێن به‌ره‌ڤانى و ناڤخۆ ل سه‌ربه‌ندا وان وه‌زاره‌تانه يێن دێ ئێكلا بن و رێكه‌فتنه‌كا ناڤه‌كى ل سه‌ر هاتيه كرن و دێ گه‌هنه رێكه‌فتنا دووماهيێ ژى، وه‌زاره‌تا به‌ره‌ڤانيێ بۆ هه‌ڤپه‌يمانيا ئاڤه‌دانكرن و چاكسازيێ و ناڤخۆ ژى بۆ هه‌ڤپه‌يمانيا ئاڤاكرنێ نه”.
دلێمى دا زانين ژى كو وه‌زاره‌تێن دژى هه‌تا راده‌كى رێكه‌فتن ل سه‌ر هاتيه كرن و د روونشتنا بهێت يا جڤاتا نوونه‌رێن عيراقێ ل رۆژا سێشمه‌مبى يا بهێت دا دێ ده‌نگدان بۆ ده‌ستنيشانكرنا وان هه‌شت وه‌زيران هێته كرن كو هه‌تا نوكه ماينه و نه‌هاتينه په‌سه‌ندكرن.
