ژڤانێ هووربينيێ د مووچێن په‌روه‌ردێ وساخله‌ميێ دا ژلايێ به‌غدا ڤه هاته دياركرن
ئه‌ڤرۆنيوز:
لژنه‌ك ژ هه‌فت كه‌سان ل به‌غدا هاتيه دروستكرن بۆ هوربينيێ دليستا مووچێن فه‌رمانبه‌رێن هه‌ردو وه‌زاره‌تێن په‌روه‌ردێ وساخله‌ميێ ل هه‌رێما كوردستانێ، كو دو ژ وان كوردن، ئه‌ندامه‌كێ كورد ژى ژڤانێ ده‌ستپێكرنا وى كارى ئاشكرا دكه‌ت.
ل دووڤ مالپه‌رێ فه‌رميێ پارتى، رێڤه‌به‌رێ گشتيێ پلاندانانێ ل وه‌زاره‌تا په‌روه‌ردێ ورێڤه‌به‌رێ گشتيێ پلاندانانێ ل وه‌زاره‌تا ساخله‌ميێ ل هه‌رێمێ ئه‌ندامن دلژنا هوربينيێ دمووچێن هه‌ردو وه‌زاره‌تان دا.
يوسف سورچى ئه‌ندامێ لژنا هووربينيێ ورێڤه‌به‌رێ گشتيێ پلاندانانێ ل وه‌زاره‌تا په‌روه‌ردێ ل هه‌رێمێ بۆ مالپه‌رێ ناڤبرى گۆت” ناڤێ من يێ هاتى بۆ وى كارى و ل هه‌فتيا بهێت دێ ده‌ست ب هوربينيێ كه‌ين، هه‌رچه‌نده مه ليستا مووچه‌ى يا هه‌ى وكێشه نينن، به‌لێ چه‌ند پێنگاڤه‌ك دێ هێنه هاڤێتن ودێ ده‌ست ب كارێ خوه كه‌ين”.
