ژڤانێ هەلبژارتنا سەرۆکێ هەرێما کوردستانێ هاتە دیار کرن
ئەڤرۆ نیوز:
ئۆمێد خۆشناو سەرۆکێ فراکسیۆنا پارتی ل پەرلەمانێ کوردستانێ دیار کر کو هەموو ئامادەکاری بۆ هەلبژارتنا سەرۆکێ هەرێما کوردستانێ ل پەرلەمانێ کوردستانێ ب دووماهی هاتینە و دهێتە چاڤەرێکرن کو ناڤەراستا ڤێ حەفتیێ سەرۆکێ هەرێما کوردستانێ ل پەرلەمانی بهێتە هەلبژارتن.
ناڤهاتی ئەو یەک ژی دیار کر کو نها ئەم چاڤەرێی دەستا سەرۆکاتیا پەرلەمانی دکەین کو ب فەرمی داخواز ژ ئەندامێن پەرلەمانی بکەت و رۆژا کۆمبوونێ ب فەرمی بهێتە دیارکرن، چونکو چو ئاریشێن قانوونی و سیاسی ل هەمبەر هەلبژارتنا سەرۆکێ هەرێما کوردستانێ نەماینە.
