ژڤانێ چوونا شاندێ هه‌رێمێ بۆ به‌غدا هاته دياركرن
ئه‌ڤرۆ نيوز:
به‌رپرسێ دوسيا كورد ل هه‌ڤپه‌يمانيا نشتيمانى ئه‌ڤرۆ رۆژا چارشه‌مبى 13ى ئيلۆنا 2017ێ ژڤانێ سه‌ره‌دانا شاندێ هه‌رێما كوردستانێ بۆ به‌غدا ئاشكه‌را كر كو بڕياره ده‌رباره‌ى ريفراندۆمێ و كێشێن ناڤبه‌را به‌غدا و هه‌ولێر دانوستاندنێ بكه‌ن.
عه‌بدولا زه‌يدى، به‌رپرسێ دوسيا كورد ل هه‌ڤپه‌يمانيا نشتيمانى د داخۆيانيه‌كا رۆژنامه‌ڤانى دا راگه‌هاند: “ئه‌ڤرۆ ژ لايێ فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ په‌يوه‌ندى پێ كريه و رێكه‌فتن ل سه‌ر ده‌ستپێكا حه‌فتيا داهاتى كو شانده‌ك سه‌ره‌دانا به‌غدا بكه‌ت”.
ئاماژه ب وێ چه‌ندێ ژى كريه كو شاندێ دانوستاندكارێ هه‌رێما كوردستانێ ب سه‌رۆكاتيا د. رۆژ نورى شاويس بيت و به‌رده‌وامى ب دانوستاندنێن ناڤبه‌را هه‌ردولا بهێته دان.