ژڤانێ یاریێن خۆلا پلا دو یا کوردستانێ هاتنه دیارکرن
ئه‌ڤرۆ نیوز،هه‌ژار مه‌عروف:
ئێکه‌تیا ته‌پا پێ یا کوردستانێ د کمبوونا خوه يا ئه‌ڤرۆ دا ب فه‌رمی ژڤانێ ده‌ستپێکرنا خۆلا پلا دو یا کوردستانێ ده‌ستنیشانکر کو بریاره ٣٤ یانه پشکداریێ د وه‌رزێ ئه‌ڤ ساله دا بکه‌ن بتنێ دو یانه ژ پارێزگه‌ها دهۆکێ پشکدارن ئه‌وژی یانێن سێمێل و به‌رده‌ره‌ش.
ئێکه‌تیا ته‌پا پێ یا کوردستانێ هه‌ر ٣٤ یانه به‌لاڤه‌كرینه ل سه‌ر
شه‌ش کومان کو ل سه‌ر سێ ده‌ڤه‌ران هاتينه به‌لاڤه‌کرن، ژ هه‌ولێر دهۆک ١٧ یانه پشکدارن ل سه‌ر سێ کومان هاتینه به‌لاڤه‌کرن کو چار یانه دێ ده‌ربازی قوناغا دووماهیی بن و شه‌ش یانه داکه‌ڤنه خۆلا پلا سێ.
یانێن سلێمانیێ گه‌رمیان ل سه‌ر دو کومان هاتینه به‌لاڤه‌کرن کو هه‌ر کومه‌ک شه‌ش یانه پێکهاتیی یه و سێ یانه ده‌ربازی قوناغا دووماهیی بن و چار یانه داکه‌ڤنه خۆلا پلا سێ و کوما که‌رکوک پێکهاتیی یه ژ پێنچ یانه هاتینه به‌لاڤه‌کرن ل سه‌ر ئێک کوم کو ئێک یانه ده‌ربازی قوناغا دووماهیێ دبیت و دو یانه ژی داکه‌ڤنه خۆلا پلا دو و چاڤه‌رێ دهێته‌کرن هه‌ڤرکیێن خۆلێ ل ٢٨-١-٢٠١٩ بهێنه‌کرن و هه‌ر پێنچ کوم ب ڤی ره‌نگێ خوارێ نه.
کوما هه‌ولێر و دهۆک پێکهاتیێ نه ژ سێ کومان
کوما ئێکێ : (به‌رده‌ڕه‌ش، ئه‌كاد، میدیا، شه‌قڵاوه، تەقتەق و ره‌واندوز).
کوما دووێ: (بروسك، هێرش، جیهان، چومان، خه‌بات و پێشکه‌وتن).
کوما سیێ: (زانکویا جیهان، سێمێل، سنوور، مه‌خمور و نشتیمان).
کوما سلێمانی و گه‌رمیان ژ دو کومان پێکهاتیی یه.
کوما ئێکێ (بازیان، ده‌روازه، سیروانى شاره‌زوور، په‌یام، پیره‌مه‌گروون و دووكان).
کوما دووێ (رانیه، سه‌رچنار، قه‌لادزێ، چه‌مچه‌مال، به‌ختیارى و پێنجوێن).
کوما که‌رکوک پێکهاتیی یه ژ ئێک کوم ئه‌وژی یانێن (هه‌وکاری دووز، بابه‌گورگور، شورجه، پێشه‌وا و که‌یوان).