ژڤانێ كۆمبوونا ئێكێ يا لژنا ئاماده‌كرنا دستوورى ديار بوو
ئه‌ڤرۆ نيوز:
ئه‌ندامه‌كا لژنا 21 كه‌سى بۆ ئاماده‌كرنا پرۆژێ دستوورێ هه‌رێما كوردستانێ بۆ راپرسيێ ئاشكه‌را دكه‌ت كو رۆژا دوشه‌مبى ده‌مژمێر 11ى پێشنيڤرۆ رێكه‌فتى 25ى گۆلانا 2015ێ ب سه‌رپه‌رشتيا سه‌رۆكاتيا په‌رله‌مانى دێ روونشتنا ئێكێ يا لژنێ ب رێڤه چيت.
ڤالا فه‌ريد، ئه‌نداما لژنا 21 كه‌سى ل سه‌ر پشكا پارتى ديموكراتى كوردستان بۆ مالپه‌رێ فه‌رميێ پارتى ديموكراتى كوردستان گۆت: “رۆژا دوشه‌مبى رێكه‌فتى 25ى گۆلانا 2015 ل ده‌مژمێر 11ى سپێدێ ب سه‌رپه‌رشتيا سه‌رۆكاتيا په‌رله‌مانى كۆمبوونا ئێكێ يا لژنێ دێ هێته ئه‌نجام دان”.
گۆتژى: “دێ بزاڤێ كه‌ين د كۆمبوونێ دا ميكانزمه‌كێ بدانين، دا كو چالاكڤان و شاره‌زايێن وارێ دتسوورى هه‌موو بشێت ل گه‌ل مه پشكدار بن و چ تێبينى و بۆچوونه‌ك هه‌يه بۆ مه بێژن”.
ب گۆره‌يى مالپه‌رێ فه‌رميێ پارتى ديموكراتى كوردستان د كۆمبوونێ دا، دێ سه‌رۆكێ لژنێ و بڕيارده‌ر و جێگرێ سه‌رۆكێ لژنێ ب گۆره‌يى ميكانزمه‌كێ هێنه هه‌لبژارتن”.
