ژڤان و جهێ كۆمبوونا سه‌رۆكێ ئه‌مريكا ل گه‌ل يێ رۆسيا ديار بوون
ئه‌ڤرۆ نيوز، فاتما مزوورى:
كه‌نالێ فوكس نيوز يێ ئه‌مريكى راگه‌هاند كو هه‌ردو كوچكێن سپى و كرملن ته‌كست ل سه‌ر وێ چه‌ندێ كريه و كو دونالد تره‌مپ سه‌رۆكێ ئه‌مريكا و فلاديمێر پۆتن يێ سه‌رۆكێ رۆيا ل 16 تيرمه‌هێ ل فنله‌ندا كۆم بن.
دايه زانين ژى كو دێ كۆمبوونا وان ل سه‌ر بابه‌تێن ئابوورى و سزايێن ل سه‌ر رۆسيا بن و ده‌ركرنا ئيرانێ ژ سوريا كه‌ن.
ب گۆره‌ى چاڤدێرێن سياسى يێن ئه‌مريكا، دێ ئه‌مريكا رازى بيت ئه‌سه‌د د ده‌سته‌لاتێ دا بمينيت و هه‌موو ئه‌ردێ سوريێ كونترۆل بكه‌ت، به‌لێ ب مه‌رجه‌كى هه‌كه ل دووڤ داخوازيا ئه‌مريكا و ئسرائيل بچيت.
شرۆڤه‌كارێن سياسى هه‌ڤديتنا دونالد تره‌مپ و ڤلاديمێر پۆتن وه‌كو گرنگترين روونشتنا سالێ دبينن.
هه‌ر چه‌نده د وێ باوه‌رێ دانه كو ئه‌ڤ هه‌ڤديتنه نه‌شێت ئه‌نجامێن مه‌زن ب ده‌ست خوه ڤه بينيت، به‌لێ هه‌ڤديتنا هه‌ردو سه‌رۆكان ب خوه گه‌له‌ك يا گرنگه و دشێت رێ ل به‌ر چاره‌سه‌ريان ڤه‌كه‌ت.
