ژیلوان حەمەد بۆ یاریین قوناغا دوێ ژ خۆلا بوندس لیگا یێ بەرھەڤە
ئەڤرۆ نیوز،سەنگەر زرار:
یاریکەرێ کورد و یانا ھوفینھایم یا ئەلمانی ژیلوان حەمەد جارەکا دی ڤەگەریا دناڤ پێکھاتیێ تیما خوە دا پشتی بورینا ھەشت ھەیڤان ژبەر ئەو ھنگافتنا ل وەرزێ بوری توش بوویێ و ھەر ژبەر وێ ھنگافتنێ نشتەگەریەک ل وەلاتێ ئەلمانیا کر بوو، ژیلە ل ماوێ شەش ھەیڤێن بوری ل بن چاڤدێریا ستاڤێ نوژدارێن یانا ھوفنھایم یا ئەلمانی بوو ژبۆ جارەسەریا ھنگافتنا وی .
یاریکەرێ کورد پشتی ب تمامی ژی ھنگافتنا خوە ب دووماھی ھاتی دوھی د یاریا خوە یا ئێکێ دا ل گەل تیما خوە ی پشکداری کر ژ چارچوڤێ یاریەکا ھەڤالینی ل وەلاتێ باشورێ ئەفریقیا.
گوڤارا کیکەر یا ئەلمانی بەحس ل ڤەگەراندنا یاریکەرێ کورد کری یە تێدا دیارکری یە راھێنەرێ یانا ھوفنھایم ل نیڤا دوێ ژ یاریا ھەڤالینی ل وەلاتێ باشورێ ئەفریقیا پشکداری ب شەش یاریکەرێن خودان شیان کر کو ئێک ژ ئەوان یاریکەران ژیلوان حەمەد بوو .
ژلایەکێ دویڤە ستیڤنز ھۆب راھێنەرێ یانا ھوفنھایم بۆ ھەمان گوڤارا ئەلمانی دیارکری یە ئەو ژ ئاستێ ژیلوان حەمەد ھەتانوکە یێ رازی نینە پشتی ژی ھنگافتنێ ڤەگەریای لێ نوکە باشترین دەلیڤەیە ئەو ل ڤی کەمپی ئاستێ خوە یێ جاران ڤەگەرینت و دەلیڤە وی ھەیە بشێت وەکو یاریکەرەکێ سەرەکی لگەل تیمێ بکەت .
ھەژی گوتنێ یە ژیلوان حەمەد خەلکێ دەڤەرا رانیە یە و ل وەلاتێ ئەزربێجان دایکبووی یە پاش بەر ب وەلاتێ سوید چووی یە یاری ل گەل ھەلبژارتیێن سوید یێ پێگەھشتیان و لاوان و کێمتر ژی ٢٣ سالی کری یە وەکو کابتنێ ئەوان ھەلبژارتیا بوو ھەردیسان چەندین جاران ھاتیە ھەلبژارتن بۆ ھەلبژارتیێ ئێکێ سوید ژی.
