ژێده‌ره‌ك ژ به‌سرا:رۆژانه 150 كه‌س ژبه‌ر ئاڤێ ژه‌هراوى دبن
ئه‌ڤرۆنيوز:
ژێده‌ره‌كێ رۆژنامه‌ڤانى ژ باژێرێ به‌سرا دياركر كو ئه‌و سۆزێن حوكمه‌تا عه‌بادى داينه خوه‌نيشانده‌رين به‌سرا بۆ چاره‌ركرنا ئاريشا پێسبوونا ئاڤا ڤه‌خوارنێ ل به‌سرا، نه‌هاتينه بجهئينان ورۆژانه چه‌ندين وه‌لاتيێن وى باژێرى تووشى ژه‌هراوى بوونێ دبن ژ به‌ر ئاڤێ.
عه‌لى سارى، رۆژنامه‌ڤان ژ به‌سرا بۆ ئه‌ڤرۆنيوز گۆت” هه‌تا نوكه هژماره‌كا مه‌زن يا وه‌لاتيێن به‌سرا يێن تووشى ژه‌هراوى بوونێ بووين ژئه‌گه‌رێ ئاڤا ڤه‌خوارنێ يا پيس”.
گۆت ژى” رۆژانه 150كه‌س ژبه‌ر ئاڤێ تووشى ژه‌هراوى بوونێ دبن ودهێنه هنارتن بۆ نه‌خوه‌شخانان بۆ وه‌رگرتنا چاره‌سه‌ريێ”.
دياركر ژى” حوكمه‌تا عه‌بادى سۆزێن مه‌زن دابوونه خوه‌نيشانده‌رين به‌سرا بۆ چاره‌كرنا پێسبوونا ئاڤا ڤه‌خوارنێ، به‌لێ سۆزێن خوه بجهنه‌ئينان ونوكه وه‌لاتيێن به‌سرا چاڤه‌رێ كابينا عادل عه‌بدولمه‌هدى سه‌رۆك وه‌زيرێن نوو دكه‌ت بۆ ديتنا چاره‌سه‌ريه‌كێ”.