ژێدەرێ ئەنترنێتا رێکخستنا داعشێ کینە ؟
ئەڤرۆ نيوز:
گۆڤارا دێرشبیگل یا ئەلمانی ئاشکرا کر، کو کۆمپانیێن ئەورۆپی پرۆژێن تەکنیکی و خزمەتگۆزاری ب رێیا (ھاتای) یا تورکی بۆ کارکرنا پێگەھێن ئەنترنێتێ برێیا ھەیڤێن دەستکرد، ل دەڤەرێن رێکخستنا داعشێ ل سوریا و عیراقێ بەرھەڤکرینە.
بەلێ د ھەمان دەمدا وێ راپۆرتێ دیارکر، ئەم نزانین کا ھەتا نھا ھێژ ئەو کۆمپانی ل سەر ڤی بابەتی د ئاگەھدارن یان نە، لێ ل گۆڕ وان دیکومێنتێن ددەستێن وێ گوڤارێ دا ئاشکرا دبیت ، ئەو کۆمپانی دشێن بزانن چەوا و ل کیرێ رێکخستنا داعشێ وێ خزمەتێ بکاردئینت ھەکە بڤێتن، ھەروەسا ئەو دشێن بزووترین دەم وان خزمەتگۆزاریان ل سەر وانا ببڕن و نەھێلن.
راپۆرتێ ھەروەسا گۆت: ھەر کەسەکێ بڤێت ئنترنێتێ ل سوریێ و عیراقێ بکاربینیت، دشێت ئنترنێتێ ب رێیا ھەیڤا دەستکرد ل سەر ھێلا (ھاتای) یا تورکی ل سەر سنۆرێ سوریێ و تورکیا وەربگریت.
ژئالیەکێ دیڤە ھەڤپەیمانیا دژی داعشێ ب ھێز کەفت، پشتی بەریتانیا و ئەلمانیا ھاتینە دناڤ ھەڤپەیمانیا نێڤدەولی د شەرێ دژی رێکخستنا داعشێ دا، ئانکو پشکداریا د شەرێ نێڤدەولەتی یا لەشکری دا وەکی بڕیارەکا پڕانیا وەلاتێن ئەورۆپی لێ ھاتیە.
ل گۆڕ راپۆرتا ئەلمانی ئەو ھێلا ئەنترنێتێ دبیت لەزاتیا وێ پتر ژ ھێلێن خزمەتگۆزاریا ئەلمانی بیت، کو بھایێ وێ 500 دۆلارن ل وەلاتێ سوریا، زێدەباری بھایێ چوونا دناڤ تۆڕا ئەنترنێتێ دا، سەرەرای کو ئەو تۆڕا ئەنترنێتێ بۆ خەلکێ وان دەڤەران ھاتیە ڤەکرن کو ژێرخانا وانا ھاتیە کاڤلکرن، بەلێ ژئالیەکێ دیڤە دبیتە خزمەتەکا ھەژی و یا گرنگ بۆ رێکخستنێن تیرۆری بۆ ھندێ پرۆپاگندە و ریکلام و پێکگوھارتنا پێزانین و دانانا پلانا شەری و ھێرشکرنێ یێن تیرۆرستێ تێدا بھێنە بەلاڤکرن.
راپۆرتا گۆڤارا دێرشبیگل ئاشکراکر، ھندەک کەسێن تورک ل ھاتای ئاشکراکر، کو داھاتەکێ ھەرە باش ژ وێ ھێلا ل سەر سنۆرێ تورکیا و سوریا دگەھیتە وان، بەلێ ئەو ھێلێن ئەنترنێتێ و چوونا دناڤ تۆڕێن واندا ل سوریێ یا لبن کونترۆلا داعشێ ڤە، ھەر وەکی ھندەک چالاکڤانێن سوری بۆ گۆڤارێ دبێژن، تیرۆرستێن داعشێ ناھێلن ھەمی کەس وان ھێلان بکڕن، بتایبەتی ل وان دەڤەرێن ژێر کونترۆلا وانا، وەکی دێر زور و رەقایێ کو بتنێ رێ بۆ وان کەسێن دگەل رێکخستنا تیرۆری کار دکەن ھاتیە دان.
ھەروەسا راپۆرتێ ئاشکراکر، پڕانیا وان ئامیرێن ئەنترنێتێ یێن ل گەل ھەیڤا دسەتکر ھاتینە گرێدان، ل وەلاتێن ویلایەتا ئێکگرتی و رۆژھەلاتا ئاسیا ھاتیە دروستکرن، و برێیا رۆترداما ھولەندی بۆ رۆژھەلاتا ناڤین دھێنە رەوانەکرن، ئەو ب ھاریکاریا کۆمپانیەکا تایبەت کو ل پاریسێ و لەندنێ و لوکسمبۆرگێ بنگەھێ سەرەکی ھەنە.
سەبارەت بکارخستنا وان دەزگەھان ژی کۆمپانیێن ئەورۆپی نە، وەکی کۆمپانیا ئوتیل سات یا فرەنسی و ئەنتای یا پەیوەندیێن بەریتانی و سی آی سی یا لوکسمبۆرگ، سەرەرای گۆمانێن بکارئینانا خوزمەتێن وان کۆمپانیان ل سوریێ، بەلێ ئەو راپۆرت کو دشیان دایە ئەو کۆمپانی راستیا وێ چەندێ بزانن و کارێ ل گەل دەزگەھێن ھەوالگیریا وەلاتێن ئەورۆپێ بکەن .
ل دووماھیێ ھاتیە رونکرن کو پەیوەندیا کۆمپانیا ئۆتیل سات یا فرەنسی دبیت بکەڤیتە دکراسەکێ شەرمێ دا ل گەل حوکمەتا فرەنسی، کو وەلاتێ فرەنسا بشێوەکێ نەیێ فەرمی و ب رێیا بانکا (Caisse Depots) برێژا 26% ژ پشکێن وێ کۆمانیێ ھەنە.
