ژ ئەگەرا شەربەتەکێ گەنجەکێ ل ڤێ دەڤەرێ گیانێ خوە ژ دەست دا
ئەڤرو نیوز ، نەوزاد ھلۆری:
ئێڤاریا ئەڤرو گەنجەکێ قەزا سوران پشتی کو ل ئێک ژ کافیتریایێن دەڤەرێ شەربەتەک ڤەخواری دەملدەست گیانی َخوە ژ دەست دا و پولیسێن سوران ژی تیمەک بو ڤەکولینێ پێکئینایە.
دڤی وارید رائید ھەوار ئەرگوشی بەرپرسێ راگەھاندن و ئاخفتنکەرێ پولیسێن قەزا سوران تایبەت بۆ ئەڤرو نیوز گۆت: (ئەڤرو دەمژمێر ٥ێ ئێڤاری پولیسێن سوران ل بارا گیان ژ دەستدانا گەنجەکێ بناڤێ ” د.خ.ق” ژ دایکبوویێ ١٨٩٧ ل ناڤا بازارێ سوران ئاگەھدارکرن کو گیانی َخوە ژ دەستدایە و پشتی گەھشتنا تیما پولیسێن مە ، ل گورەی ڤەکولینێن دەستپێکی دەرکەفت کو ئەوی گەنجی سەرا ڤەخوارنا شەربەتەکێ کو ژ ھندەک کەرستەیێن دن تێکەلکری بوو گیانی َخوە ژ دەستدایە کو گومان دھێتەکرن ژەھراوی بیت ئەو شەربەت )
زێدەتر گۆت: (پشتی کو تەرمێ ناڤبری بو نەخوشخانا داد ل ھەولێری َھاتیە ھنارتن ، پولیسێن قەزایێ دەست ب سەر کەلوپەلێن ھاتینەبکارئینان بو چێکرنا شەربەتێ گرت و ڤەکولین دەستپێکرن بەلی َھەتا نھا کەس نەھاتیە گرتن)
