ژ به‌ر له‌هيان 28 كه‌سان بوونه قوربانى
ئه‌ڤرۆ نيوز، فاتما مزوورى:
ژ ئه‌گه‌رێ دروستبوونا له‌هيان و چوونه‌خوارا ئه‌ردى ل باكوورێ ڤيتنامێ، حه‌فت كه‌سان گيانێ خوه ژ ده‌ست دان.
د ڤێ ده‌ربارێ دا، ده‌سته‌لاتدارێن ڤێتنامێ راگه‌هاند كو ژ ئه‌گه‌رێ باران بارينێ و دروستبوونا له‌هيان و چوونه‌خوارا ئه‌ردى پێنج كه‌سان ل باژێرێ لاچاو و دو كه‌سان ژى ل باژێرێ هازانگ يێ باكوورێ وه‌لاتى گيانێ خوه ژ ده‌ست دان.
به‌رپرسێن وى وه‌لاتى ئاماژه ب وێ چه‌ندێ ژى كر كو زيانێن مه‌زن ب به‌ر خانۆ و ئاڤاهيێن ده‌ڤه‌رێ كه‌فتينه و داخواز ژ وه‌لاتيان كر كو بۆ پاراستنا جانێ خوه د دو رۆژێن بهێت دا خوه بگه‌هيننه جهێن ئارام.
ترونج كوانج جێگرێ لژنا مللى يا هه‌رێما لاى تشاو ئه‌وا دكه‌ڤيته 470 كيلۆمه‌تران ل باكوورێ رۆژئاڤايێ هانوى، راگه‌هاند كو هه‌رێم ژ هه‌ر جهه‌كێ دى پتر يا زينداره كو 12 كوشتى هه‌نه و ژ وان ژى دو زارۆ نه.
بۆ رويته‌رز دا زانين ژى كو ئه‌و ل رۆژێن بهێت پێشبينيا باران بارينێن زێده‌تر دكه‌ن و گۆت: “11 كه‌س ژى هه‌تا نوكه د به‌رزه‌نه”.
