ژ به‌ر پاران داعش ئه‌ڤه ژى ل گه‌ل خه‌لكێ مووسل كر
ئەڤرۆ نیۆز، قائید میرۆ:
گروپا تیرۆرستیا داعش بڕیار دایە، کریا ئاڤ و کارەبا سالەکێ ل وەلاتیێن باژێڕێ مووسل وەرگریت و ئەگەر کەسه‌ک سەرپێچیێ بکەت دێ سزایەکێ گران بۆ ھێتە دەرکرن.
غیاس سورچی، پەیڤدارێ مەلبەندێ نەینەوا یێ ئێکەتی نیشتیمانی کورستان بۆ مالپەڕێ ئەڤرۆ نیۆز گۆت: “چەکدارێن داعش دو بڕیارێن نوو دەرکرینە و گورەی ئێک ژ وان بڕیارا، پێدڤیە ئاکنجیێن باژێڕى کریا سالەکێ یا ئاڤ و کارەبێ بدەنە وانا، بەرۆڤاژی دێ ئەڤێ بە نەئینیت دێ سزایەکێ گران بۆ ھێتە دیارکرن”.
غیاس گۆتژی: “داعش بڕیارەکا دی ژی دەرکریە و گورەی ئەڤێ بڕیارێ، داعش دێ کریا سالەکێ ژ جھێن بازرگانی و ئاکنجبوونا وەلاتیان وەرگریت، ئەڤێن ئاڤاھیێ حوکمەتێ دانە و ل جھێ حوکمەتێ دێ کریێ دەنە داعش، ئەڤە د دەمەکی دایە لڤینێن بازاڕی کێمبووینە و خەلکی چو داھات نەبووینە”.