ژ ترسا داعش ڤی وەلاتێ ئورۆپی دەواما قوتابخانان راوەستاند
ئەڤرۆ نیوز، ئەیاد بەرواری:
سەرۆکێ وەزیرێن بەلجیکا، شارل میشال، دیارکر کو بریارا بلندکرنا حالەتا ئامادەباشیێ ل بەلجیکا بۆ بلندترین ئاست، یا ھاتیە دان پشتی گەھشتنا پێزانینان ل دۆر مەترسیا ئەنجامدانا ھێرشان ل بەلجیکا کو ھەڤشێوەی ھێرشێن پاریس بن.
شارل میشال، د کۆنگرەکێ رۆژنامەڤانی دا ل برۆکسل پایتەختێ بەلجیکا گوت” مەترسی یا نێزیکە” د ھەمان دەم دا ژی ھوشداریا ئەنجامدانا ھێرشەکێ ب چەکێ و تەقەمەنیان ژی کر و گوت ” ئارمانجێن پێشبینی کری بۆ ھێرشێن تیرۆرستی، جادێن بازرگانی و چالاکی و جھێن ب قەرەبالغ و ھەوێن ڤەگوھاستنێ نە ” گوت ژی” سوباھی رۆژا دو شەمبی دێ قوتابخانە ل بەلجیکا ھێنە داخستن”.
بەلجیکا چەندین پێرابوونێن دی ژی وەرگرتینە وەکو داخستنا وێستگەھێن میترۆیێ ل بروکسلێ ل رۆژا شەمبی ھەتا رۆژا دوشەمبی و دو ئاھەنگێن موزیکی ژی ھەلوەشاندن و چەندین مۆلێن بازرگانی و موزەخانە و ھۆلێن سینەمایێ داخستن، بەلێ ڕێ ل ئەنجامدانا یاریێن تەپا پێی ل خولا بەلجیکی نەگرت.