ژ دەرڤەی وەلاتی پتر داهات بۆمە ژ هونەری دهێت
بێوار حەمدی
سترانبێژ و مۆزیكژەن (بەسام مەحموود) كو خەلكێ قەزا شێخانە، لێ ئەڤە چەند سالن ل وەلاتێ (ئەلمانیا) دژیت، د دیدارەكێ دا بۆ رۆژنامەیا ئەڤرۆ گۆت: ئەڤە (17) سالن ئەز مۆزیكێ دژەنم و سترانان دبێژم، من پشكداری د گەلەك ئاهەنگ و كونسێرتان دا كریە، لێ پتر گرنگیێ ب مۆزیكێ ددەم و ئەز ئامیرەیێن (ساز، عۆد، جۆمبشێ) دژەنم، لێ پتر حەزژ ژەنینا سازێ دكەم.
هەروەسا گۆت: ژبەركو هەموو ئاهەنگ و شەهیانێن ژ دەرڤەی وەلاتی ئەم دچینێ ب زمانێ كوردی نە خۆشیەكا دی ل دەف مە پەیدا دكەت، هەروەسا بۆ زانین ژدەرڤەی وەلاتی پتر داهات بۆمە ژ هونەری دهێت، لەورا دێ دبەردەوام بین و بۆ پاشەڕۆژێ مە هندەك هزرێن باشتر هەنە ژبۆ خزمەتكرنا ستران و مۆزیكا كوردی.
