ژ 111 قوتابيێن ئاماده‌یا گه‌شتوگوزار تنێ دو قوتابى ب كوردیێ ده‌رچون
ئه‌ڤرۆ نیوز ، نه‌وزاد هلۆرى:
پشتى ئه‌نجامێن ئه‌زمونێن نیشتمانى و وه‌زارى و ئاماده‌یێن پێشه‌يى هاتینه راگه‌هاندن ، هنده‌ك سه‌یر و سه‌مه‌ر ل ئه‌نجامێن وان هاتنه دیتن ، ژ وان ژ سه‌رجه‌مێ 111 قوتابیێن ئاماده‌یا گه‌شت و گوزار ل پارێزگه‌ها دهۆكێ ب تنێ دو قوتابى ل ئه‌زموونا كورديێ یێن ده‌رچوين و ئيێن دى هه‌موو ده‌رنه‌چوینه.
عه‌بدولره‌زاق نهێلى” كو ئێكه ژ قوتابیێن ئاماده‌یا گه‌شت و گوزار و ب وانه‌یا كوردى ده‌رنه‌چویه بۆ ئه‌ڤرۆ نیوز گۆت: (پشتى مه ئه‌نجامێن خوه یێن ئاماده‌یا گه‌شتوگۆزار ل دهوكێ وه‌رگرتين ئه‌م تووشى سه‌رسورمانێ بووین ژ به‌ركو ژ سه‌رجه‌مێ 111 قوتابیان تنێ دو قوتابى ب وانه‌یا كوردى ده‌رچوینه و 109 كه‌س ژى ده‌رنه‌چوینه).
زێده‌تر گۆت: (دبیت ئه‌گه‌رێن ڤێ یه‌كێ زۆر بن، به‌لێ ب هزرا من ئه‌گه‌رێن سه‌ره‌كى دزڤرن بو وێ یه‌كێ یان ئاستێ مامۆستایان يێ لاوازه، یان ئه‌وێن پرسیارا ددانن دژینگه‌ها قوتابیان دا ناژین ،دیسان ژى دبیت سیسته‌مێ سومۆ كو هه‌لبژارتنن یێ شاشه و ب كێر ناهێت، یان ژى رێزمان ب تمامى یا شاشه و قوتابیان شیان نینن زمانێ كوردى بخوونن یان ژى كونترولا ڤاڤارتن و پشكنینێن ئه‌زموونان گه‌نده‌لى تێدا دهێته‌كرن ، ژبه‌رڤێ ئه‌م داخوازێ ژ رێڤه‌به‌ریا په‌روه‌ردا پارێزگه‌ها دهۆكێ و په‌رله‌مانێ كوردستانێ و جڤاتا پارێزگه‌هێ و لایه‌نێن شوله‌ژێ دكه‌ین كو ب زووترین ده‌م د هه‌وارا قوتابیان بهێن ژبه‌ركو چاوان ئه‌و هه‌موو قوتابى ب وانه‌یا كورديێ كو زمانێ دایكه ده‌رنه‌چن).