ڤيديۆ: ببينه چاوان داعش بزاڤێ دكه‌ن پێزانينان ل سه‌ر پێشمه‌رگه‌ى كۆم بكه‌ن
ئه‌ڤرۆ نيوز، ئۆمێد وه‌لاتى:
دوھی 8ى گۆلانا 2017ێ ل قەزا شنگال تیرۆرستێن داعش ب رێيا فرۆکەیەکا سیخوری ڤیا بەر ب سەنگەرێن ھێزێن پیشمەرگەی بھێت، لێ پێشمەرگەیان دیت و بزاڤێن ژناڤبرنا وێ كرن.
موقه‌دم شێرزاد دوسکی ئەفسەر ل فەرماندەییا ھێزێن پشتەڤانیا ئێک بۆ ئەڤرۆ نیوز گۆت: “پشتی وان ھەست پێکری فروکەیەکا سیخوری یا تیرۆرستان بەر ب لایێ مە دھێت ژ لایێ پێشمەرگەیێن مەڤە تەقە ل فرۆکێ ھاتە کرن و نەچاربوو بزڤریتەڤە”.
ناڤبری گۆت ژى: “ژ بەرکو فرۆکە یا دوور بوو نەشیان ژناڤ ببەن”، “لێ شیان رێ لێ بگرین ھەتا کو نەشێت پێزانینان لسەر سەنگەرێن ھێزێن پێشمەرگەی بدەستڤە بینن”.
پشتی ھاتنا تیرۆرستێن داعش بۆ ناف ئاخا کوردستانێ رۆژانە چەندین رێيان ب کار دئینن ژ بۆ زیان گەھاندن ب ھێزین پێشمەرگێ کوردستانێ، ئێک ژ وان رێيان ب کار ئینانا فرۆکەیێن سیخوری یە ھەتا کۆ بشێن پێزانینان ل سەر ژمارەیا پێشمەرگەیان، جورێ چەکی، خالێن پێشمەرگە تێدا …. ھتد ،كۆم بكه‌ن، بەلێ ب کێمترین زیان ھەموو جاران پێشمەرگەى ئەو رێ ل تیرۆرستێن داعش گرتینە.
