ڤيديۆ: دو كێشێن ئايفۆن7 هاتنه ئاشكه‌راكرن
ئه‌ڤرۆ نيوز، فاتما مزوورى:
پشتى به‌لاڤبوونا ئايفۆن7 و ئايفۆن7 پلاس به‌لاڤكرين و كه‌فتينه ده‌ستێ ب كارئينه‌ران نوكه دو كشێن گه‌له‌ك بێزاركه‌ر هاتينه ئاشكه‌را كرن.
ئێك ژ وان كێشێن گه‌له‌ك بێزار كه‌ر ئه‌وه كو هنده‌ك ئايفۆنان كو يێن پلاس و نۆرمال ژى ب خوه ڤه دگريت ده‌نگه‌كێ گه‌له‌ك بێزاركه‌ر ژێ دهێت و بكارئينه‌ر نه‌ره‌حه‌تيا خوه ژێ دبينن.
كێشا وێ يا دويێ ژى ئه‌وه كو ده‌ما ئايفون7 يان ئايفۆن7 پلاس كه‌فته بارێ ناڤ فرۆكێ “Airplane Mode” و ڤه‌گه‌ريا سه‌ر بارێ خوه يێ سرۆشتى خه‌ت ناهێت و پێدڤيه يان سيمكارتى ژ به‌ر ئايفۆنێ بينى و بكه‌يه به‌ر يان ژى ريستارت بكه‌ى.
ئه‌ڤه د ده‌مه‌كى دايه كو ل ده‌سپێكا ڤێ هه‌يڤێ كۆمپانيا ئه‌پل ئه‌ڤ مۆبايلا زيره‌ك خستيه بازارى و هێشتا ژى ده‌رباره‌ى ڤان هه‌ردو شاشيێن هه‌ين چ داخۆيانيێن فه‌رمى نه‌داينه و بكارئينه‌رێن ڤان جۆڕێن مۆبايلان ژى نه‌رازيبوونا خوه هه‌مبه‌ر ڤێ بێزاريێ ديار دكه‌ن.
