ڤيديۆ… فازل ميرانێ: سه‌رۆكێ په‌رله‌مانى يێ ژ ئاخفتنێن خوه لێڤه‌بوويى
ئه‌ڤرۆ نيوز:
سكرتێرێ مه‌كته‌با سياسى يا پارتى ديموكراتى كوردستان راگه‌هاند، ئه‌و د رژدن ل سه‌ر مانا سه‌رۆكێ هه‌رێما كوردستانێ ل جهێ خوه پارتى پێشنيازا سيێ يا دايه لايه‌نێن سياسى كو پرسا سه‌رۆكاتيا هه‌رێمێ ل په‌رله‌مانێ داهاتى بهێته چاره‌كرن، رادگه‌هينيت ژى كو مه‌سعود بارزانى پێگوهۆڕ يێ هه‌يى و سه‌رۆكێ په‌رله‌مانى ژى ژ ئاخفتنا خوه په‌شيمان بوويه.
فازل ميرانى سكرتێرێ مه‌كته‌با سياسى يا پارتى ديموكراتى كوردستان بۆ پشكا كوردى يا راديۆيا ده‌نگێ ئه‌مريكا راگه‌هاند: “هه‌كه ئه‌م بێژين پێ پێگوهۆڕ نينه بۆ بارزانى ئه‌ڤه ئيهانه‌يه بۆ مله‌ته‌كى كو دنيايه‌كا مرۆڤێن خودان شيان يێن تێدا، دنيايه‌كا مرۆڤێن ژير و كه‌سايه‌تيێن تێدا”.
سكرتێرێ مه‌كته‌با سياسى يا پارتى ديموكراتى كوردستان دبێژيت ژى: “پشتى 23ى خزيرانێ ئه‌ڤ په‌رله‌مانێ نوكه هه‌يى، يێ بوويه جهێ هه‌ڤركيا”.
ب گۆتنا ميرانى ل هه‌رێما كوردستانێ “كه‌ساتى گه‌له‌كن، به‌لێ كاك مه‌سعود هێمايه”. دبێژيت ژى: “ره‌نگه نوكه پێگوهۆڕێ ڤى هێمايى نه‌بيت”.
ده‌رباره‌يى ئه‌و گۆتنێن سه‌رۆكێ په‌رله‌مانى گۆتين كو گۆتبوو: “پرسا سه‌رۆكاتيا هه‌رێما كوردستانێ پرسه‌كا قانوونى يه و نه‌يا سياسى يه”، ميرانى دبێژيت: “سه‌رۆكێ په‌رله‌مانى ژ ئاخفتنێن خوه په‌شيمان بوويه”, ئه‌وێن ل ده‌سپێكێ گۆتى: “پرسا سه‌رۆكاتيا هه‌رێمێ پرسه‌كا سياسى يه”.
