ڤيديۆ: قه‌يس خه‌زعه‌لى.. كورد خوه وه‌كو عيراقى نابينن و مافێ وانه جودا ببن
ئه‌ڤرۆ نيوز:
قه‌يس خه‌زعه‌لى، فه‌رماندێ بلندێ ميليشياتێن “عصائب اهل الحق” راگه‌هاند: مافێ گه‌لايه بڕيارێ ل چاره‌نڤيسێ خوه بده‌ن، كوردێن عيراقێ ژى مافێ بڕيار دانێ ل سه‌ر سه‌ربه‌خۆيا خوه يا هه‌يى، ئه‌و بڕيار ژى بۆ گه‌لێ كورد ب خوه د ڤه‌گه‌ريت، ئاماژه ب وێ چه‌ندێ ژى كريه كو رێكه‌فتناما سايكس بيكۆ كوردستان ب سه‌ر چار وه‌لاتان دا دابه‌شكريه و ئاشكه‌را ژى كريه كو چو كورده‌ك خوه وه‌كو عيراقى نابينيت.
خه‌زعه‌لى د ديداره‌كا تله‌ڤزيۆنى دا ل گه‌ل هنده‌ك كه‌نالان دا گۆت: “جۆگرافيا و مێژوو و زمان و شارستانيه‌ت پشته‌ڤانيێ ل وێ چه‌ندێ دكه‌ن كو كورد د جودا بن ژ هه‌موو عيراقيێن دى ژ رويێ نه‌ته‌وه و زمان و جلكێن خوه”.
گۆتژى: “ماوێ رێكه‌فتناما سايكس بيكۆ ب دووماهى هاتيه و نوكه مافێ وان وه‌لاتايه يێ ب گۆره‌يى رێكه‌فتناما سايكس بيكۆ هاتينه پارچه‌كرن و پێكڤه كرن بڕيارێ ل سه‌ر چاره‌نڤيسێ خوه بده‌ن”.