ڤيدۆ: پێنج كه‌س ل سه‌ر قومارا ئه‌لكترۆنى دهێنه ده‌سته‌سه‌ركرن
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو ئه‌وان پێنج كه‌س ل سه‌ر تۆمه‌تا قومارا ئه‌لكترۆنى ل دهۆكێ ده‌سته‌سه‌ركرن.
نه‌قيبێ مافپه‌روه‌ر، هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “د ماوێ دو حه‌فتيێن بۆرى دا 72 قومارچى هاتينه گرتن”.
هێمن سلێمان زێده‌تر گۆت: “د ناڤ ڤان 72 كه‌سێن هاتينه ده‌سته‌سه‌ركرن، پێنج ژ وان ئه‌ون يێن قومارا ئه‌لكترۆنى دكه‌ت (مراهنات) و بۆ دادگه‌هێ هاتنه ره‌وانه‌كرن و دێ سه‌ره‌ده‌رى ل دووڤ مادێ 389 يێ سزايێن عيراقى ل گه‌ل هێته كرن”.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ئه‌و ئێك ژى ئاشكه‌را كر كو كو پێدڤيه دايك و بابان ئاگه‌هـ ژ زارۆيێ خوه هه‌بيت و گۆت: “هيڤى دكه‌ين گه‌نج ژى خوه ژ ڤى كارى بده‌نه پاش، چونكو دێ به‌رێ وان ده‌ته كارێن خرابتر”.
