ڤی وەلاتی ژی ئاھەنگێن سەرێ سالێ قەدەغەکرن
ئەڤرۆ نیوز، ئەیاد بەرواری:
پشتی وەلاتێ برۆنای ئاھەنگ گێران ب ھەلکەفتا جەژنا کرێسمس و سەرێ سالا زایینی قەدەغەکرین، وەلاتەکێ دی بریارا قەدەغەکرنا ئاھەنگ گێرانێ ب ھەلکەفتا سەرێ سالا نوو 2016 ێ دەرکر.
حوکمەتا سۆمالی کو پتریا وەلاتیێن وێ موسلمانن بریارا قەدەغەکرنا گێرانا ئاھەنگان ب ھەلکەفتا سالا نوو دەرکر و دیارکر کو ئەو ئاھەنگە د ھەڤدژن ل گەل بنامەیێن جڤاکی و دوور نینە ببنە ئەگەرێ ھێرشێن تیرۆرستی ژلایێ ڕێکخستیا (گەنجێن موجاھد) یا توندڕەو.
شێخ محەمەد خیرۆ، ڕێڤەبەرێ گشتی ل وەزارەتا کارەبارێن ئایینی ل سۆمالێ، ل دووڤ (ھاڤینگتۆن پۆست) گوت” ھەموو ڕێ و ڕەسمێن گرێدای ئاھەنگ گێرانێ ب ھەلکەفتا جەژنا کرێسمس و ھاتنا سالا زایینی یا نوو د ھەڤدژن ل گەل رەوشەنبیریا ئیسلامی و دبیت ب نەرێنی ل سەر وەلاتیێن موسلمان ب ڕاوەستن”.
گوت ژی” نابیت چو چالاکیێن ژ وی جۆری بھێنە ئەنجامدان و ھێزێن ئەمنی فەرمان یێن وەرگرتین بۆ قەدەغەکرنا ھەر ئاھەنگەکا ژ وی جۆری”.
