ڤێ حەفتیێ پارتی و ئێکەتی دێ کۆمبوونەکا دی کەن
ئەڤرۆ نیوز:
بەری دەمەکێ کۆمبوونا هەر دو شاندێن پارتی و ئێکەتیێ ب دووماهی هات و داخۆیانیەک فەرمی هاتە بەلاڤکرن، د داخۆیانیێ دا ئاماژە ب هندێ هاتیە کرن کو د چارچۆڤێ رێککەفتنا کو بەری نها د ناڤبەرا پارتی و ئێکەتیێ دا هاتبوو ئیمزا کرن، کۆمبوونا ئەڤرۆکە یا بەرهەمدار بوویە و قۆناغەکا باش مە دەرباز کریە و دێ ل ڤێ حەفتیێ دا جارەکا دی کۆم بین.
د داخۆیانیێ دا ئاماژە ب هندێ ژی هاتیە کرن کو هەر دو ئالی ئامادەکاریێن باش دکەن دا بگەهنە رێککەفتنا دووماهیێ دا کابینا نوو یا حوکمەتێ بهێتە ئاڤاکرن.
