ڤەكێشانا ئه‌مریكا دێ ئیرانێ ل سووریێ بالا ده‌ست کەت
ئەڤرۆ نیوز ، زنار تۆڤی :
پشتی کو دۆنالد تره‌مپی بریارا ڤەکشانا هێزێن ئەمریکا ل سووریا دای ، سیناتۆرەکێ پارتا كۆماری یا ئه‌مه‌ریكی ئاماژێ ب هندێ ددەت ئه‌ڤ بریاره دێ بیته ئەگەرێ ڤەگه‌ریانا داعشێ و سووریا دێ هێته راده‌ست کرن بۆ ئیرانێ.
ئاژانسا رۆیته‌رز د نووچەکێدا ژ زارێ لیندسی گراهام سیناتۆرێ ئه‌مریكا بەلاڤ كریه،کو هەکە ئەمریكا هێزێن خوە ژ سووریێ ڤەكێشیت،دێ ئه‌ڤه بیته پالدەرەک بۆ ڤەگه‌ریانا داعش، جۆدا ژ هندێ ژی دێ دەستهەلاتا حوکمه‌تا ئیرانێ ل سووریێ بەرفرەهتر لێ هێت.
پشتی کو تیرۆرستێن داعش ژ سووریا پاشه‌كشە كری و پرانیا دەڤەران ڤەگه‌ریاینە ژێر ده‌ستهه‌لاتا حوکمه‌تا سووریا، تره‌مپی بریارا ڤەكێشانا هێزێن ئەمریکا ل وی وەلاتی دایە، ئه‌ڤێ ژی ئالۆزی دروست كریه دناڤبەرا تره‌مپی و مەزنە به‌رپرسێن ئه‌مریكا،کو ئەو دبێژن نوکە زوویە بۆ ڤەكێشانا هێزێن ئه‌مریكا و پێدڤیه زێدەتر روو ب روو داعشێ ببن و كێمترین ماوه پێدڤیە دوو سالێن دیتر بمینن.
بۆ ڤێ مه‌به‌ستێ ژی جڤاتا نه‌ته‌وه‌یی یا كۆشكا سپی ل حه‌فتیا بهێت دێ كۆم بیت، بۆ بەحسكرنا وێ ئۆپه‌راسیۆنا سه‌ربازی یا ئه‌مریكا كه‌ن به‌رامبه‌ر داعشێ ل سووریا.
نێزیكی دو هزار سه‌ربازێن ئه‌مریكا ل سووریێ هه‌نە و تره‌مپ ژی گوهێ خوە نادەتە ئامۆژگاریێن به‌رپرسێن وەلاتێ خوە،بەلێ هەتا نوکە بریارا ئێكلاكه‌ر نه‌دایه بۆ ڤەكێشانا هێزێن خوە ژ سووریا.