ڤەکۆلەرەک: ئارمانجا تورکیا رۆژئاڤایێ کوردستانێ یە
نوری فرات نڤیسەر و ڤەکۆلەرێ تورکیا دیار دکەت، دانوستاندنێن د ناڤبەرا دەولەتا تورکیا و ئۆجەلانی دا ب تەمامی نهینی نە، شاندێ ئیمرالیێ ژی چو تشتەکێ بۆ رایا گشتی ئاشکرا ناکەت، گەلێ کورد ل تورکیا ژ رەوشا نها دلگرانە، چونکی کەس نزانیت کا چ روو ددەت، ژ بەر ڤێ یەکێ ژی باوەریا کوردان ب پرۆسیسا نها ناهێت و هەکە د پاشەرۆژێ دا ب کریاری هندەک تشت نەهێنە کرن ئەوا نها ب ناڤێ قۆناغا ئاشتیێ دهێتە کرن ناگەهیتە چو ئەنجامەکێ.
ناڤهاتی ئەو یەک ژی دیار کر، ئارمانجا سەرەکی یا تورکیا ژ دەستپێکرنا قۆناغا ئاشتیێ یا ل گەل ئۆجەلانی رۆژئاڤایێ کوردستانێ یە، ناکۆکی ژی ل سەر رۆژئاڤا نە، لێ دیارە بەرپرسێن پەکەکێ یێن ل قەندیلی ل دژی داخوازیێن تورکیا نە، ژ بەر ڤێ یەکێ ژی گەلەک زەحمەتە تورکیا بشێت ب رێیا ئۆجەلانی بگەهیتە ئارمانجا خوە ل رۆژئاڤایێ کوردستانێ.
