کارمەندێن راکرنا گلێشی ل دێرەلۆکێ مانگرتن ژ کارێ خوە کر
ئه‌ڤرۆ نيوز:
ژ بەر نەدانا مووچێ کارمەندێن راکرنا گلێشی ل سنوورێ ناحیا دێرەلۆک و شێلادزێ، بۆ ماوێ چەند رۆژەکایە دەست ب مانگرتنێ کریە و ئەڤ یەکە ژی بوویە جھێ گازندا وەلاتیان.
ئەندازیار حەمدی محیەددین، سەرۆکێ باژێرڤانیا دێرەلۆکێ بۆ رۆژناما ئەڤرۆ دیار کر، دەمێ چەند رۆژایە کارمەندێن راکرنا گلیشی کو بۆ کۆمپانیەکێ ب گرێبەست کار دکەن، دەست ب مانگرتنێ کریە و کارێ خوە ئەنجام نادەن و گۆت: “ئەڤ کارمەندە سەر ب کۆمپامیا ھیزل ڤە نە و ب گرێبەست ل گەل کار دکەن، دیارە ژ بەر گیرۆبوونا مووچێ وانا ژ لایێ کۆمپانیێ ڤە، وان ژی مانگرتن ژ کارێ خوە کریە، ئەڤ یەکە ژی بوویە جھێ گازندا وەلاتیان و رۆژانە چەندین گازندە دگەھنە مە”.
گۆتژی: “ئەم بەردەدوام د پەیوەندیێ داینە بۆ چارەکرنا ڤێ ئاریشێ و د ڤان دو رۆژان دا دێ ئاریشا وانا یا مووچەی ب دووماھی ھێت و ئەو کارمەند ژی دێ دەست ب کارێ راکرنا گلێشی کەنە ڤە”.
