کار ژ بو دەسپێکرنا پرۆژێن راوەستایی یێن دەڤەرا ئامێدیێ دهێتە کرن
ئەڤرۆ نیوز، مەحمود نهێلی:
جێگرا سەرۆکێ فراکسیونا پارتی سەرا لقا هەژدە یێ پارتی دیموکرتی کوردستان دا و ل گەل بەرپرسێ لقێ چەندین تەوەرێن گرێدایی ب پرۆژێن خزمەتگوزاری ڤە ل دەڤەرێ گۆتوبێژ کرن.
عەلی رێکانی ژ راگەهاندنا لقێ هەژدە بۆ ئەڤرۆ نیوز دیار کر، نەجات شعبان ئامێدی جێگرا سەرۆکێ فراکسیونا پارتی ل پەرلەمانێ کوردستانێ ل گەل عومەر ئورەی بەرپرسێ لقێ هەژدە یێ پارتی دیموکرتی کوردستان ل بارەگایێ لقێ د روینشتنەکێ دا باس ل رەوشا دەڤەرێ و خزمەت و پرۆژەیێن پێدڤی کرن.
و دیار کر کو بەرپرسێ لقێ ژ خانما هێژا خاستیە، دگەل فراکسیونێ ل پەرلەمانی کاربکەن ژبو دەستبکاربوونا وان پرۆژێن ژ ئەگەرێ قەیرانا دارایی هاتین راوەستاندن مینا نەخوشخانا ۱۰۰ تەختی ل هێتوتێ ل ناڤبەرا دێرەلۆک و شێلادزێ دا و دیسان کاربکەن بۆ مسوگەرکرنا ئەنجامدانا چەند پروژێن دی یێن خزمەتگوزاری و وەبەرهێنانێ یێن پێدڤی ل دەڤەرێ.
و گۆت : ژ لایێ خوڤە نەجات شەعبان سوپاسیا بەرپرسێ لقێ کر، بۆ پشتەڤانیا بەردەوام و دیسان وێ هەماهەنگییا هەی و هەر تێبنی و پێزانین و پێشنیارەکێ ژبو خزمەتا دەڤەرێ، و دووپاتی کریە کو ئەو د بزاڤێن بەردەوام دانە بو ڤێ ئارمانجێ دگەل هەمی لایەنێن پەیوەندیدار.
